Skjævelandsbrua

Skjævelandsbrua fotografert av Ranveig Thattai

Skjævelandsbrua er ei bru over Figgjoelva på Jæren. Midten av brua utgjer grensa mellom Klepp kommune og Sandnes kommune. Brua var ferdig bygd i 1853. Byggjematerialet er for det meste stein, bygd som ei kombinert steinkvelv- og steinhellebru. Brua er 100 meter lang. Brua er ein del av Vestlandske hovudveg, og var den fyrste brua i Rogaland fylke som vart bygd for køyretøy.

Brua vart teikna av Ingebret Mossige, lensmann og veginspektør i Time kommune. Gabriel Høyland (1820-1907) leia bygginga av brua. I 1966 vart det opna ei ny bru for riksveg 44, og Skjævelandsbrua har etter dette vore nytta til lokal trafikk. Ho vart restaurert i 1985, og vart i 2002 teke med på ein nasjonal verneplan for kulturminne knytt til vegar.

Bakgrunnsstoff

• Vernar gangsteinar og Skjævelandbrua Jærbladet
• Vegvalg - nasjonal verneplan for veger, bruer og vegrelaterte kulturminner Statens Vegvesen