São Miguel

São Miguel
Lagoa das Sete Cidades
Geografi
Stad	Atlanterhavet
Koordinatar	37°46′12″N 25°28′12″W
Øygruppe	Asorane
Areal	759 km²
Høgaste punkt	Pico da Vara (1105 moh.)
Administrasjon
Land	Portugal
Autonom region	Asorane
Største busetnad	Ponta Delgada (64 156 innb.)
Demografi
Folketal	140 000 (2003)
Folketettleik	184 /km²

São Miguel er den største og mest folkerike øya i Asorane i Portugal. Ho dekkjer eit areal på 759 km² og har om lag 140 000 innbyggjarar. Den største byen er Ponta Delgada med om lag 45 000 innbyggjarar.

Geografi

Landskap aust på São Miguel

São Miguel strekkjer seg 64 km frå aust til vest og er mellom 8 og 14 km brei. Ho har fått kalle namnet «Den grøne øya» og er stort sett dekt av enger og sletter i låglandet. Den gamle laurisilva-skogen er stort sett erstatta av eksotisk vegetasjon. Enkelte varmekjelder (caldeiras) finn ein hovudsakleg i sentrale delar av øya. São Miguel har tre stratovulkanar og kalderaer, Sete Cidades, Agua de Pau, Caldeiras og Furnas. Dei vulkanske massane er knytt saman av kjegleliknande massar som dannar toppane.

Mosteiros, ein landsby på nordvestkysten

Området mellom Sete Cidades og Fogo er eit monogenetisk vulkanfelt som består av 270 vulkanar. Dei består hovudsakleg av basaltiske kjegler. Dette er området som sist hadde vulkansk aktivitet på øya. Ein har talt 19 utbrot dei siste 3000 åra, og det siste kjende kom i 1652.

Det høgaste punktet på São Miguel er Pico da Vara på 1103 meter over havet.

Byar

• Ponta Delgada
• Ribeira Grande

Kommunar

• Lagoa
• Nordeste
• Ponta Delgada
• Povoação
• Ribeira Grande
• Vila Franca do Campo

Historie

São Miguel var den andre av øyane i Asorane der det vart grunnlagd ein portugisisk busetnad i 1427.

Kjelder

• Denne artikkelen bygger på «São Miguel Island» frå Wikipedia på engelsk, den 22. juni 2008.
  • Wikipedia på engelsk oppgav desse kjeldene:
    • Scarth, Alwyn; Tanguy, Jean-Claude (2001). Volcanoes of Europe. Oxford University Press. s. 243. ISBN 0-19-521754-3. 
    • Global Volcanism Program: Asorane

Bakgrunnsstoff

• azores.com. Kommersiell side med mykje informasjon om São Miguel.