Theofron Munktell

Frå Wikipedia – det frie oppslagsverket
Hopp til navigering Hopp til søk
Theofron Munktell
Johan Theofron Munktell Svenska industriens män.jpg
Fødd22. mars 1805
Kärrbo församling
Død2. juli 1887
Eskilstuna församling
NasjonalitetSverige
Yrkemekaniker, landstingspolitiker, næringslivsleiar, ingeniør
MedlemKungliga Vetenskapsakademien

Johan Theofron Munktell (20. mars 18052. juli 1887) var ein svensk industrialist, fødd i Kärrbo, Västmanland. Han gjekk i lære hjå Gustaf Broling i Stockholm, som då var ein av dei beste metallurgane i Sverige. Då han var 17 år gamal vart Munktell tilsett ved Kungliga Myntverket, der han var ansvarleg for å utvikla nye myntprentemaskiner. Samstundes tok han til å interresera seg for dampmaskiner.

I 1832 flytta Munktell til Eskilstuna, der han stifta Eskilstunas Mekaniska Werkstad. På 1930-talet gjorde han ei studiereise til England, for å sette seg inn i moderne støypejarnteknologi.

Munktell var ein nyskapande person og firmaet hans var med på å føra Sverige inn i den industrielle tidsalderen. I 1853 produserte firmaet det fyrste damplokomotivet i Sverige; det vart kalla «förstlingen». I 1859 laga firmaet det fyrste treskjeverket i Sverige.

I 1879 vart firmaet eit aksjeselskap og bytta namn til «Munktells Mekaniska Verkstads Aktiebolag». Sjølv om son hans, som òg heite Theofron, og systersonen hans, Theofron Boberg, hadde kome inn i leiinga var Johan Theofron aktiv til han døydde 82 år gamal. Han mottok ei rekkje utmerkingar for arbeidet han hadde utført for Eskilstuna og Sverige.

Johan Theofron Munktell.

,

Eit viktig produkt for Munktells Mekaniska Verkstads Aktiebolag var damplokomobilar. I 1913 starta firmaet traktorproduksjon. Den fyrste traktoren, med typebetegnelsen 30-40, hadde ein masse på 8,3 tonn. I 1932 gjekk firmaet saman med J & C G Bolinders Mekaniska Verkstads AB i Stockholm. Det nye firmaet vart liggande i Eskilstuna og fekk namnet AB Bolinder Munktell. I 1943 tok AB Bolinder Munktell til å samarbeide med Aktiebolaget Volvo i Göteborg og i 1950 vart AB Bolinder Munktell oppkjøpt av Volvo.

Sjå òg[endre | endre wikiteksten]

Bakgrunnsstoff[endre | endre wikiteksten]