Trani

Frå Wikipedia – det frie oppslagsverket
Gå til: navigering, søk
Trani
Hamna i Trani
Hamna i Trani
Plassering
Trani is located in Italia
Styresmakter
Land
Region
Provins
Italia Italia
Puglia
Bari
Borgarmeister Giuseppe Tarantini
Geografi
Flatevidd
 - By

102 km²
Innbyggjarar
 - Totalt (2005)
   - folketettleik

53 520
  513/km²
Koordinatar 41°16′″N 16°25′″EKoordinatar: 41°16′″N 16°25′″E
Høgd over havet 7 m
Diverse annan informasjon
Postnummer 70059
Telefon-retningsnummer 0883
Nettstad: www.comune.trani.ba.it

Trani er ein hamneby i provinsen Bari i regionen Puglia i Italia med om lag 55 000 innbyggjarar. Han ligg ved Adriahavet, om lag 40 km nordvest for Bari med jernbane.

Historie[endre | endre wikiteksten]

Byen hadde sitt opphav som Turenum i romartida. Han vart seinare erobra av langobardar og austromarar. Dei første sikre kjeldene om byen har ein frå 800-talet.

Gullalderen i Trani var på 1000-talet då han vart bispesete i staden for Kanossa, som vart øydelagd av sarasenarar. Hamna vart då kraftig utbetra og nytta som utgangspunkt for krosstoga. I år 1000 gav Trani ut Ordinamenta Maris, som vert rekna som den eldste maritime kodeksen i mellomalderen. I denne perioden slo mange mektige familiar frå dei store italienske maritime republikkane (Amalfi, Pisa og Venezia) seg ned i Trani. Trani fekk på si side ein konsul i Venezia på 1100-talet. Dei hadde òg konsulat i mange nordeuropeiske byar, sjølv i England og Nederland, og viser at Trani var ein viktig handelsmessig og politisk aktør i mellomalderen.

Domkyrkja i Trani.

Keisar Fredrik II bygde eit massivt slott i Trani. Under hans styre, tidleg på 1200-talet, var byen på sitt rikaste.

På 1100-talet husa Trani alt det største jødiske samfunnet i Sør-Italia og var fødestad for ein av dei størse rabbiane i mellomalderen i Italia, Rabbi Isaiah ben Mali di Trani (1180-1250).

Trani kom ut for ei krise under Anjou og Aragon sine styre (1300-1400-talet), då jødane vart forfulgt. Under Huset Bourbon snudde Trani den negative trenden igjen, hovudsakleg på grunn av betre økonmiske tilhøve i Sør-Italia. Trani var provinshovudstad fram til napoleonskrigane, då Joachim Murat tok frå han denne statusen og gav han til Bari. I 1799 utførte franske troppar ein massakre av innbyggjarane i Trani sidan dei hadde gått inn i Den napolitanske republikken.

Bakgrunnsstoff[endre | endre wikiteksten]

Commons-logo.svg Wikimedia Commons har multimedia som gjeld: Trani

Kjelder[endre | endre wikiteksten]