Valentin Psjenitsyn

Frå Wikipedia – det frie oppslagsverket
Hopp til navigering Hopp til søk
Valentin Psjenitsyn
Fødd 3. november 1936
Dmitrov
Død

2007

Yrke skiskyttar

Valentin Nikolajevitsj Psjenitsyn[1] (fødd 3. november 1936) er ein tidlegare skiskyttar frå Dmitrov i Moskva oblast i Russland som tevla for Sovjetunionen.

Psjenitsyn var ein av pionerane då skiskyting vart ein internasjonal idrett etter VM i skiskyting 1958. Den alle fyrste verdsmeisterskapen i skiskyting vart då avvikla i Saalfelden i Austerrike, med svenske og sovjetiske utøvarar i dominerande roller. Svenske Adolf Wiklund vart den aller fyrste verdsmeisteren i skiskyting, Psjenitsyn vart nummer sju i den einaste øvinga i meisterskapen, ein tjue-kilometer med fire skytingar à fem skot. Året etter kopierte han plasseringa i VM 1959 i Courmayeur.

Etter å ha vorte nummer fem i Vinter-OL 1960 i Squaw Valley, kleiv Psjenitsyn ein og ein plass opp på resultatlista dei to neste verdsmeisterskapane. I svenske Umeå vart han nummer fire, medan han i finske Tavastehus i 1962 endeleg fekk med seg ein bronsemedalje, der landsmannen Vladimir Melanjin vann gullmedaljen. Dei to neste meisterskapane, VM 1963 og Vinter-OL 1964, begge i Seefeld/Innsbruck, var han tilbake på sjuandeplass. Psjenitsyn gjekk så opningsetappen for Sovjetunionen sitt bronselag i stafett under VM i skiskyting 1965Elverum, den aller fyrste VM-stafetten.

Kjelder[endre | endre wikiteksten]

  • Sportsboken, aktuelle årgangar
  • Kyrillisk skrift Валентин Николаевич Пшеницын