Veit Kührt
| Veit Kührt | |
 | |
| Statsborgarskap | Tyskland, Den tyske demokratiske republikken |
| Fødd | 3. desember 1940 (83 år) Zella-Mehlis |
| Yrke | skihoppar |
| Språk | tysk |
| Veit Kührt på Commons | |
Veit Kührt (fødd 3. desember 1940) er ein tysk, tidlegare skihoppar som konkurrerte for Aust-Tyskland og som representerte SC Motor Zella-Mehlis.
Aktiv
[endre | endre wikiteksten]Kührt vart nummer 12 i OL i Squaw Valley i 1960. Han deltok i verdsmeisterskapane på ski i 1962 og 1966. I Zakopane i 1962 vart han nummer seks i normalbakken og nummer 12 i storbakken, i Oslo i 1966 kom han på femteplass i normalbakken og vart nummer 9 i storbakken.
Kührt kom i 1960 på femteplass i hopprennet i Svenska skidspelen i Transtrand, eit renn som landsmannen Helmut Recknagel vann. Kührt deltok i den tysk-austerrikske hoppveka i perioden 1960-67, med sjuandeplassen i Oberstdorf 30. desember 1960 som hans beste plassering. Han vart nummer fire i Lahti-spelen i 1962. I 1963 vart han nummer tre i skiflygingsveka i Planica, året etter kom han på sjetteplass i Holmenkollrennet. Både i 1965 og 1966 vart han nummer seks i Lahti.
Han vart austtysk meister i 1960 og 1964.
Kjelder
[endre | endre wikiteksten]- Sportsboken, aktuelle årgangar