Vinhegre

Frå Wikipedia – det frie oppslagsverket
Hopp til navigering Hopp til søk
Vinhegre

Status i verda: LC Livskraftig

Vinhegre Foto: Charles Lam
Vinhegre
Foto: Charles Lam
Systematikk
Rike: Animalia
Rekkje: Chordata
Klasse: Aves
Orden: Pelecaniformes
Familie: Ardeidae
Slekt: Ardeola
Art: A. bacchus
Namn på andre språk
  • Engelsk: Chinese Pond-Heron
  • Vitskapleg namn
    Ardeola bacchus

    Vinhegre (Ardeola bacchus) er ein fugl i hegrefamilien som lever i hovudsakleg Aust-Asia sommarstid og overvintrar i Søraust-Asia.

    Skildring[endre | endre wikiteksten]

    Vinhegre i vinterdrakt.

    Dette er ein liten hegre, ca. 42-52 centimeter i kroppslengd og han veg rundt 300 gram. I hekkedrakta har vinhegren ei karakteristisk djup raudbrun farge på hovud, hals og framkropp, men strupen er kvit. Både underside bak brystet, rygg og venger er kvite med oversida dekt av lange svarte fjørduskar som rekkjer heilt bak til halen. Auga er gule, nebbet gult til oransje med ein svart spiss. Beina er gule. Hofuglar kan vere litt bleikare i farger. Vinterdrakta er kvit med lysbrune, grove striper på hovud, hals og bryst og dei mørke fjørene på oversida er lys brune. Undersida av kropp og venger er framleis kvite, oversida av vengene mest kvite.[1]

    Leveområdet for denne hegrearten er opne sumpar, langs elvebreidder ut i salt miljø inkludert mangrovar. Dei kan beite i opp til 1450 moh., men kan treffast mykje høgare på streif og over 4000 moh. under trekket. Føda er fisk og andre vasslevande dyr, inkludert froskar. Hekkeområdet er austre og nordaustre Kina, Korea-halvøya, litt inn i søraustlegaste Russland og i Japan. Dei trekker sørover og overvintrar på Malayahalvøya, i Indokina, på delar av Sumatra og Borneo og nordaust til og med Ryukyuøyane. Det er overlapping mellom hekkeområde og vinterkvarter i sørlegaste Kina.[1]

    I Noreg finst ein godkjent registrering av vinhegre i Stranda kommune i 1973, dessutan er eit individ fotografert ved Mandal i 2016.[2]

    Populasjonen er estimert til under ein million individ og er trudd å vere stabil. Arten er klassifisert som globalt livskraftig.[3]

    Kjelder[endre | endre wikiteksten]

    Referansar
    1. 1,0 1,1 Martínez-Vilalta, A., Motis, A. & Kirwan, G.M. (2017) Chinese Pond-Heron (Ardeola bacchus) I: del Hoyo, J., Elliott, A., Sargatal, J., Christie, D.A. & de Juana, E. (red.) (2016). Handbook of the Birds of the World Alive. Lynx Edicions, Barcelona. Henta den 8. desember 2017
    2. «Artsobservasjoner - rapportsystem for arter i Norge». Henta 8. desember 2017. 
    3. BirdLife International (2017). Ardeola bacchus. IUCN Red List of Threatened Species. Version 2017.2. Henta 8. desember 2017

    Bakgrunnsstoff[endre | endre wikiteksten]

    Commons-logo.svg Commons har multimedia som gjeld: Vinhegre