Abdi Bile

Abdi Bile
Statsborgarskap	Somalia
Fødd	28. desember 1962 (61 år) Las Anod
Yrke	mellomdistanseløpar, friidrettsutøvar
Høgd	185 centimeter
Abdi Bile på Commons

Abdi Bile (fødd 28. desember 1962) er ein somalisk tidlegare friidrettsutøvar som under VM 1987 vart den fyrste somaliske verdsmeisteren i friidrett då han vann 1500-meteren.

Aktv

Bile vart andremann på 1500 m då afrikameisterskapen 1985 fann stad i Kairo, der einast Omer Khalifa frå Sudan var hans overmann. To år seinare vann Bile ein suveren siger på same distansen under friidretts-VM 1987 i Stuttgart, over eit sekund føre nestemann.

I 1989-sesongen var Bile i sitt livs form. Den 16. august sette han personleg rekord på 800 meter med 1.43,60 i eit stemne i Zürich. Få veker seinare, den 3. september, gjorde han sitt livs beste 1500 meter då han vart klokka inn på 3.30,5 i Rieti. Dei komande åra var han ofte skadeplaga. Under VM i 1993 i Stuttgart tok han bronsemedaljen på 1500 meter, klart slått av algeriaren Noureddine Morceli og hakk i hæl på spaniaren Fermín Cacho. Sidan tok Bile seg til OL-finalen på 1500 m i Atlanta i 1996, der han enda på sjetteplassen, 33 år gammal.

Medaljar og plasseringar i internasjonale meisterskap

• OL 1984 i Los Angeles: Utslått i kvartfinalane på 800 m (1.46,49 =nr 22) og i semifinalane på 1500 m (=nr 22)
• VM 1987 i Roma: Gullmedalje på 1500 m – 3.36,8, framom José Luis González (3.38,0)
• VM 1993 i Stuttgart: Bronsemedalje på 1500 m – 3.35.9. Utslått i forsøka på 800 m (1.48,90 =nr 26)
• VM 1995 i Göteborg: Utslått i forsøka på 1500 m (3.48,8 =nr 37)
• OL 1996 i Atlanta: Nr 6 på 1500 m – 3.38,0

Kjelder

• Denne artikkelen bygger på «Abdi Bile» frå Wikipedia på engelsk, den 25. mai 2018.