Az én apám
| «Az én apám» Song av Joci Pápai | ||
| Land | Ungarn | |
| Språk | Ungarsk | |
| Utgjeve | 23. desember 2018 | |
| Sjanger | Etnopop, folkemusikk | |
| Lengd | 03:01 | |
| Selskap | Origo Produkció | |
| Komponist | Joci Pápai | |
| Låtskrivar(ar) | József Pápai, Ferenc Molnár Caramel | |
|---|---|---|
«Az én apám» (norsk 'min far') er ein song frå 2019 som vert framført av den ungarske songaren og rapparen Joci Pápai. Songen var det ungarske bidraget til Eurovision Song Contest 2019 i Tel Aviv i Israel.[1] Pápai representerte òg Ungarn i Eurovision Song Contest 2017 med songen «Origo».
Om songen[endre | endre wikiteksten]
«Az én apám» er skriven av Joci Pápai sjølv, saman med Ferenc Molnár Caramel. Songen var eit av 30 bidrag til den ungarske songtevlinga A Dal, arrangert av kringkastaren MTVA og tv-kanalen Duna. Etter å ha kvalifisert seg frå dei innleiande rundane og semifinalane, var «Az én apám» ein av åtte finalistar 23. februar 2019. Songen vann finalen etter å fått flest røyster i telefonavrøystinga og vart dimed det ungarske bidraget i Eurovision Song Contest 2019.[2] Dette var andre gongen Joci Pápai deltok i Eurovision Song Contest, etter å ha kome på åttandeplass for Ungarn i 2017 med låten «Origo».[3]
Ein omarbeidd versjon av songen og ein musikkvideo vart publiserte 14. mars 2019.[4]
Eurovision Song Contest[endre | endre wikiteksten]
I januar 2019 vart Ungarn trekt ut til å delta i den fyrste semifinalen av Eurovision Song Contest. Semifinalen vart halden i Expo Tel Aviv i Israel tysdag 14. mai, og Ungarn hadde startnummer 7.[5] «Az én apám» enda på 12. plass i sin semifinale og var dimed ikkje kvalifisert til finalen laurdag 18. mai.[6]
Listeplasseringar[endre | endre wikiteksten]
| Liste (2019) | Høgaste
plassering |
|---|---|
 Ungarn (Single Top 40)[7]
|
2 |
Kjelder[endre | endre wikiteksten]
- ↑ «Joci Pápai – Hungary — Tel Aviv 2019». Henta 8. mai 2019.
- ↑ «Hungary: He's back! Joci Pápai wins A Dal 2019 with "Az én apám"» (på engelsk). 23. februar 2019. Henta 8. mai 2019.
- ↑ «Joci Pápai: 10 facts about Hungary's Eurovision 2019 singer» (på engelsk). 15. mars 2019. Henta 8. mai 2019.
- ↑ «Joci Pápai "Az Én Apám" revamp - Hungary Eurovision 2019» (på engelsk). 14. mars 2019. Henta 8. mai 2019.
- ↑ «First Semi-Final of Tel Aviv 2019». EBU. Henta 7. mai 2019.
- ↑ «First Semi-Final: 10 acts qualify for Eurovision 2019 Grand Final». 14. mai 2019. Henta 15. mai 2019.
- ↑ «Single (track) Top 40 lista (uke 9, 2019)» (på ungarsk). Henta 8. mai 2019.
- Denne artikkelen bygger på «Az én apám» frå Wikipedia på bokmål, den 26. desember 2021.