Canche

Frå Wikipedia – det frie oppslagsverket
Gå til: navigering, søk
Canche
Canche ved Montreuil-sur-Mer.
Canche ved Montreuil-sur-Mer.
Utspring Pas-de-Calais
Munning Den engelske kanalen
Land i nedslagsfelt Frankrike Frankrike
Lengd 88 km
Middelvassføring 15,1 m³/s
Nedslagsfelt 1 274 km²

Canche er ei av dei små kalkelvane i Frankrike som renn frå platået sør i Boulonnais og Picardie og ut i Den engelske kanalen. Elva Somme er den største av desse elvane. Nedslagsfeltet til Canche er 1 274 kvadratkilometer og ligg i den sørlege delen av departementet Pas-de-Calais. Elva har ein gjennomsnittleg hellingsgrad på 1,5 %.

Elva har sitt utspring ved Gouy-en-Ternois og passerer Frévent, Hesdin, Montreuil-sur-Mer før ho renn ut av kalkområdet og ut mot kysten mellom Étaples og Le Touquet-Paris-Plage. Dei største sideelvane hennar er Ternoise, Planquette, Créquoise, Bras de Bronne, Course, Dordogne og Huitrepin, som alle ligg på høgre side. På grunn av terrenget er det ingen større sideelvar på venstresida (i sør) før Grande Tringue, som renn ut i elvemunningen til Canche.

Galleri[endre | endre wikiteksten]