Drevja kyrkje

Drevja kyrkje
Generelt
Kyrkjesamfunn:	Den norske kyrkja
Bispedøme:	Sør-Hålogaland
Prosti:	Indre Helgeland
Fellesråd:	Vefsn
Sokn:	Drevja
Innvigd:	28. september 1883
Kyrkjegard:	Nilsskog kyrkjegard ved kyrkja og Almåsen kyrkjegard, vigsla 1866
Arkitektur
Type:	Langkyrkje
Teknikk:	Lafta
Materiale:	Tre
Kyrkjerommet
Plassar:	ca. 200

Drevja kyrkje er ei kyrkje bygd på Nilsskogen i Drevja sokn i Vefsn kommune. Kyrkja er ei langkyrkje, lafta i tømmer i 1883.

Kyrkja vart vigsla 18. fredagen etter trinitas 1883 som ei hjelpekyrkje eller annekskyrkje i Vefsn sokn. Ved kongeleg resolusjon 25. februar 1927 vart Vefsn sokn delt i 3 sokn, Vefsn, Drevja og Grane, med grenser fastsett 30. desember 1926 i Vefsn heradsstyre.

Orgelet i Drevja kyrkje er bygd av P. A. Albrechtsen i 1846, og vart flytta frå Dolstad kyrkje til Drevja i 1920. Orgelet vart restaurert i 2000. Kyrkja har sitjeplass til om lag 200 menneske. Soknet deler sokneprest med Elsfjord sokn.

Til Drevja kyrkje ligg Drevja kyrkjegard. Drevja sokn har også ein kyrkjegard på Almåsen.

Inventar

Kyrkja har ein dåpsengel laga av kunsthandverkaren Andreas Nilsskog. Nilsskog var fødd og oppvaksen like ved kyrkjestaden. I 1973 reiste Drevjalaget eit minnesmerke over han ved vegen like overfor kyrkja.