Gangartar hos dyr
Gangart er dyr sine ulike måtar å gå eller løpe på. Ein skil for eksempel mellom passgang og diagonalgang. Ordet gangart blir særlig brukt om hestar og korleis dei bevegar seg.
Menneska sine viktigste gangartar er å gå og å løpe. Det blir i så måte arrangert konkurransar både i kappgang og løp.
[endre] Gangartar hos hestar
Alle hestar har dei tre hovedgangartene skritt, trav og galopp. I tillegg til desse har islandshestar tølt («flygande skritt») og pass. Amerikanske hesterasar har mange ulike gangartar, blant anna «fox trott» og «running walk».
Hestar konkurrerer i mange ulike gangartar.
Det blir arrangert kappriding i galopp, galoppløp. Det blir også arrangert køyrekonkurransar, mellom anna som travløp. Både galoppsport og travsport er populære som veddeløp.
I dressurriding skal hesten vise at den meistrar dei tre hovudgangartane, i tillegg til å utføre andre moment.
For islandshestar blir det arrangert konkurransar som går ut på å vise fram dei 5 ulike gangartane som islandshesten har.
