Havåborfamilien

Frå Wikipedia – det frie oppslagsverket
Gå til: navigering, søk
Havåborfamilien


Paralabrax clathratus
Paralabrax clathratus

Systematikk
Rekkje: Chordata
Underrekkje: Vertebrata
Klasse: Actinopterygii
Infraklasse: Teleostei
Orden: Perciformes
Familie: Serranidae
Vitskapleg namn
Serranidae

Havåborfamilien (Serranidae) er ein stor familie piggfinnefisk med over 400 artar i tropiske og tempererte hav over heile verda. Dei fleste artane er store rovfisk på grunt vatn i havet, men somme artar kan òg gå opp i ferskvatn.

Familien har fått det norske namnet sitt etter havåbor, Dicentrarchus labrax. Denne arten er relativt vanleg langs kysten av Sør-Noreg, men vert ikkje lenger rekna til familien.

Kjenneteikn[endre | endre wikiteksten]

Havåborfamilien omfattar åborforma fisk som er kjenneteikna av eit sett på tre piggar på gjellelokka sine. Dei er kraftig bygd, med stort hovud og lateralt samanpressa kropp. Dei har to ryggfinnar, den første er utstyrt med harde og sterke piggar og har ofte taggar. Sidelinja er lang og samanhengande, bortsett frå hjå ein art som manglar ho heilt.

Fiskane varierer i storleik frå 11 cm (Serranus subligarius) til nesten 3 meter (Epinephelus itajara). Dei fleste artane har ulikt kjønn på ulike stadium av livet, somme er òg reine hermafrodittar.

Kjelder[endre | endre wikiteksten]

  • Gjøsæter, Jakob: «Piggfinnefisker» i Norges Dyr - Fiskene 2 Cappelen 1992
  • Fishbase