Hillary Clinton

Frå Wikipedia – det frie oppslagsverket

Hillary Diane Rodham Clinton (f. 26. oktober 1947) er ein amerikansk demokratisk politikar og senator for delstaten New York. Clinton er gift med tidlegare president Bill Clinton, og var fyrstedama i presidentperioden hans frå 1993 til 2001. Ho er den fyrste tidlegare fyrstedama som har stilt til val.

Innhaldsliste 1 Familiebakgrunn 2 Utdanning og arbeid 3 Førstedame 4 Senator 5 Presidentkandidat-kandidat 6 Utgjevingar 7 Kjelder 8 Bakgrunnsstoff

[endre] Familiebakgrunn

Hillary Rodham vart fødd i Chicago i Illinois og oppdregen av dei metodistiske foreldra sine i Park Ridge i same delstat. Faren, Hugh Rodham sr., son av engelske innvandrarar, var forretningsmann i tekstilindustren i Scranton i Pennsylvania, og mora, Dorothy Emma Howell Rodham, var heimeverande. Hillary har to yngre brør, Hugh og Tony Rodham.

Hillary Rodham og Bill Clinton gifta seg i 1975 i Fayetteville i Arkansas. Ho brukte jentenamnet sitt fram til 1982. Ekteparet har ei dotter, Chelsea Clinton, som er fødd i 1980.

[endre] Utdanning og arbeid

Hillary Clinton tok ein lågare grad i historie ved Wellesley College i Massachusetts i 1969, og er utdanna jurist ved Yale University i 1973.

Hillary Rodham var lenge advokat i advokatfirmaet Rose i Little Rock, på same tid som ho underviste ved rettsfakultetet ved University of Arkansas i Fayetteville. I 1974 fekk ho dei første erfaringane sine med hovudstadspolitikk då ho var juridisk rådgjevar for justiskomiteen i det amerikanske representanthuset. Ho var då med i ein krets som sette saman materiale for ein riksrettssak mot president Richard Nixon på grunn av Watergateaffæren.

Då mannen hennar blei vald til guvernør for Arkansas i 1979, slutta Hillary Rodham som jusprofessor.

[endre] Førstedame

Familien Clinton flytta inn i Det kvite huset i 1993, og Hillary Clinton blei leiar av ei gruppe som skulle reformera helsevesenet i USA. Dei djuptgripande forslaga til gruppa blei aldri vedtekne.

[endre] Senator

Hillary Clinton vart vald som senator for delstaten New York den 7. november 2000 med 55 % av stemmane. Ho sat i fleire fagkommitear, mellom anna forsvarskommiteen.

[endre] Presidentkandidat-kandidat

Clinton var favoritt til å verte det demokratiske partiet sin kandidat til presidentvalet i 2008, og flagga dette de facto 20. januar 2007. Ho tapte derimot kappløpet mot senator Barack Obama.

[endre] Utgjevingar

• It Takes a Village and Other Lessons Children Teach Us – 1996
• Living History – 2003 (sjølvbiografi)

[endre] Kjelder

[endre] Bakgrunnsstoff

• Offisiell side hjå det amerikanske senatet
• Biografi hjå det kvite huset
  Denne samfunnsartikkelen er ei spire. Du kan hjelpe Nynorsk Wikipedia gjennom å utvide han.