Hjelmen

Hjelmen
stad
Land	Noreg
Fylke	Vestland
Kommune	Fitjar
Folketal	0  (2023)
Gardnummer	48
Hjelmen 59.8915°N 5.27145°E / 59.8915; 5.27145

Hjelmen er ei øy i Fitjarøyane i Fitjar kommune. Øya ligg mellom halvøya Kråko i aust og Ivarsøy i vest. I sør og nord går Engesundsleia. Øya er veglaus og utan fast busetjing.

Garden Hjelmen ligg sør på øya.

Garden

Garden på Hjelmen var opphavleg husmannsplass under Fitjargarden. I 1723 vart plasset skyldsett og vert då rekna som ein sjølvstendig gard. På same måte som hovudgarden Vestbøstad, høyrde Hjelmen til Lyse kloster. Garden låg under Lysekloster til 1877. Brukaren Carl Tolleivson kjøpte då Hjelmen og brukarane var sidan den tid sjølveigarar.

Namn

Garden og øya har fått namn etter forma på den høgaste toppen, som liknar på ein hjelm.

Namnet har vore skrive mykje likt oppgjennom tidene, som Hielmen, Gjelmen, Hjælmen og Hjelmen. Daglegnamnet er òg Hjelmen.

Geografi

Øya er kring 1 km lang frå sørvest til nordaust og kring 300 meter på det breiaste. Det høgaste punktet på øya er 43 meter over havet, like nord om garden.

Folketalsutvikling

1801	1900	2023
4	7	0

Kjelder

• Simon Steinsbo (1986). Fitjar bygdebok - Gards- og ættesoge 1. Fitjar. 
• Straumøya på norgeskart.no