Jan Atle Stang
Frå Wikipedia – det frie oppslagsverket
Jan Atle Stang (fødd 16. januar 1961 i Bergen) er ein norsk journalist, redaktør og næringslivsleiar oppvaksen i Stongfjorden i Askvoll kommune i Sogn og Fjordane.
Han var ansvarleg redaktør i avisa Firdaposten i Florø frå 1996 til 2003, og frå 2003 til 2011 sjefredaktør i avisa Firda, som kjem ut i Førde.
Frå 1. februar 2012 vert Stang regiondirektør i NHO Sogn og Fjordane.
Stang har fagbrev som tømrar, har studert sosialantropologi ved Universitetet i Bergen og site som styremedlem i Norsk redaktørforening. Stang er medlem av Arbeidarpartiet.
Jan Atle Stang er busett i Florø, er gift og har tre born.
