Jerry Yester

Jerry Yester
Fødd	9. januar 1943 (81 år)
Fødestad	Birmingham i Alabama i USA
Fødenamn	Jerome Alan Yester
Opphav	USA
Aktiv	Sidan 1960
Sjanger	pop, folk
Instrument	vokal
Tilknytte artistar	The New Christy Minstrels, Modern Folk Quartet, The Lovin' Spoonful
Verka som	Musikar, låtskrivar, plateprodusent, arrangør

Jerome Alan «Jerry» Yester (fødd 9. januar 1943) er ein amerikansk folkrockmusikar, plateprodusent og arrangør.

Yester vart først med i The New Christy Minstrels tidleg i 1960-åra og i 1963 i Modern Folk Quartet, som gav ut to album dei neste to åra. Yester var òg studiomusikar og spelte mellom anna piano på The Lovin' Spoonful-songen «Do You Believe in Magic» i 1965. MFQ vart oppløyst i 1966 og Yester byrja for seg sjølv. I 1967 erstatta han Zal Yanovsky i The Lovin’ Spoonful, som han seinare arbeidde med om produsent, men i 1968 vart Spoonful oppløyst for dei neste 23 åra. Yester var så med å skipe bandet Rosebud, men dette vart oppløyst i 1971.

Yester arbeidde òg som produsent og arrangør, mellom anna på album av The Turtles, Pat Boone, Aztec Two Step og Tom Waits. Sidan har han delteke i sameinte utgåver av MFQ og Lovin' Spoonful, men fekk sparken då han vart arrestert og dømd for oppbevaring av barnepornografi i 2017.

Kjelder

• Denne artikkelen bygger på «Jerry Yester» frå Wikipedia på engelsk, den 23. mars 2019.
  • Wikipedia på engelsk oppgav desse kjeldene:

Bakgrunnsstoff

• Jerry Yester på LovinSpoonful.com