Josjkar-Ola

Josjkar-Ola Йошкар-Ола
Josjkar-Ola og elva Malaja Koksjaga
Flagget til Josjkar-Ola Byvåpenet til Josjkar-Ola
Plassering
Styresmakter
Land	Russland
Føderasjonssubjekt	Mari El
Grunnlagd Bystatus	1584 1781
Borgarmeister	Oleg Voinov
Geografi
Flatevidd  - By	100 km²
Innbyggjarar  - Totalt (2007)    - folketettleik	249 800   2 498 /km²
Koordinatar	56°38′0″N 47°52′0″E
Høgd over havet	100 moh
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	424xxx
Retningsnummer (tlf)	(+7)8362
Nettstad: capital.mari-el.ru

Josjkar-Ola (austm. og russ. Йошкар-Ола, utt. [jåsjkarålA], med trykk på siste stavinga, namnet tyder «Raudbyen») er hovudstaden i den mariske republikken Mari El i Russland. Byen hadde om lag 250 000 innbyggjarar i 2007. Han ligg ved elva Malaja Koksjaga, rundt 650 km aust for Moskva.

Historie

Det noverande namnet er det tredje namnet på byen. Han heitte Tsarjovokoksjajsk (russisk: Царёвококшайск) før 1919 og Krasnokoksjajsk (russisk: Краснококшайск) frå 1919 til 1927. Desse namna kom frå elva som renn gjennom byen.

Nasjonalteateret i Mari El

Under sovjettida, spesielt etter den andre verdskrigen, var byen eit regionalt industri- og transportsenter og voks til den noverande storleiken. Samanbrotet til Sovjetunionen fjerna kunstig støtte for ineffektive statlege verksemder og førte til at mesteparten av industriproduksjonen i området vart nedlagt. Den brå nedgangen i levestandard førte til at den best kvalifiserte arbeidskrafta flytta til andre byar i Russland.

Det ligg ein strategisk rakettbase nær byen.

Transport

Josjkar-Ola er knytt til andre byar og regionar i Russland via jernbane og bussruter. Josjkar-Ola lufthamn ligg 9 km nord for byen.

For transport innan byen finst eit nettverk av kollektivtrafikk, som består av bussar, trolleybussar og rutetaxiar (marsjrutki (russisk: маршрутки).

Utdanning

I Josjkar-Ola ligg fleire høgare utdanningsinstitusjonar, mellom anna Mari statlege universitet, Mari statlege tekniske universitet og Mari statlege pedagogiske institutt.

Bakgrunnsstoff

Commons har multimedia som gjeld: Josjkar-Ola

• Detaljert kart over Josjkar-Ola

Kjelder

• Denne artikkelen bygger på «Josjkar-Ola» frå Wikipedia på bokmål, den 30. november 2008.