Kristen Skjeldal
| Kristen Skjeldal | |
|
| |
| Statsborgarskap | Noreg |
| Fødd | 27. mai 1967 (56 år) Voss herad |
| Idrett | langrenn |
| Tok del i |
Vinter-OL 1992, Vinter-OL 2002, cross-country skiing at the 2002 Winter Olympics – men's 4 × 10 kilometre relay, cross-country skiing at the 2002 Winter Olympics – men's 30 kilometre freestyle mass start, Ski-VM 1991, Ski-VM 1995, Ski-VM 1997, Ski-VM 1999, Ski-VM 2001, Ski-VM 2003, Ski-VM 2005, Vinter-OL 1994 |
Kristen Skjeldal (fødd 27. mai 1967) er ein norsk skiløpar (langrenn) frå Voss. Han er medlem av Bulken Idrettslag.
Karriere[endre | endre wikiteksten]
Skjeldal har vunne tre olympiske medaljar, to gullmedaljar og ein bronsemedalje. Den første gullmedaljen vann han i Vinter-OL i Albertville i 1992. I leikane i Salt Lake City i 2002 fekk han 4. plass i 30 kilometer langrenn fristil, men vinnaren, Johan Mühlegg, vart seinare fråkjend sigeren då det vart påvist at han hadde brukt steroidar, noko som er forbode i konkurranseidrett (doping). Dette førte til at Kristen Skjeldal fekk bronsemedaljen i dette rennet. Han var også med på det norske vinnarlaget i 4 x 10 km stafett under desse leikane. I 2005 gav broren, Gudmund Skjeldal ut biografien Den siste langrennaren – ei historie om Kristen Skjeldal og snø.
Kristen Skjeldal har 11 individuelle NM-titlar, derav seks på 5-mila. Den siste vann han i 2006. Ingen har fleire NM-gull på denne distansen enn han.
Medaljar og besteplasseringar i noregsmeisterskap[endre | endre wikiteksten]
- Ski-NM 1989: Nr 5 på 50 km
- Ski-NM 1990: Gull på både 15 km og 30 km på Gjøvik
- Ski-NM 1991: Bronsemedalje på 30 km i Misvær
- Ski-NM 1992: Sølv på 15 km jaktstart og bronse på 10 km i Trondheim
- Ski-NM 1993: -
- Ski-NM 1994: Bronsemedalje på 30 km på Vegårshei
- Ski-NM 1995: Bronsemedalje på 50 km i Oslo
- Ski-NM 1996: Nr 12 på 30 km i Stryn
- Ski-NM 1997: Gullmedalje på 50 km i Mo i Rana
- Ski-NM 1998: Bronsemedalje på 50 km i Alta
- Ski-NM 1999: Sølv på 50 km og bronse på 30 km
- Ski-NM 2000: Nr 7 på 50 km på Vang
- Ski-NM 2001: Gull på 50 km og bronse på 30 km
- Ski-NM 2002: Gull på 10 km, 15 km jaktstart, 50 km
- Ski-NM 2003: Bronsemedalje på 50 km i Molde
- Ski-NM 2004: Gull på 30 km og 50 km i [[Bardufoss]
- Ski-NM 2005: Gull på 50 km og sølv 30 km
- Ski-NM 2006: Gullmedalje på 50 km i Vadsø
- Ski-NM 2007: Nr 6 på 50 km i Nybygda
- Ski-NM 2008: Nr 4 på 15 km i Trondheim
- Ski-NM 2012: Nr 8 på 15 km på Voss og på 50 km i Fauske
Bakgrunnsstoff[endre | endre wikiteksten]
- (en) Kristen Skjeldal – Profil og resultatoversikt hos FIS
- Kristen Skjeldal i olympedia.org