Lillehammer Skiklub

Frå Wikipedia – det frie oppslagsverket
Gå til: navigering, søk

Lillehammer Skiklub er eit norsk idrettslag på Lillehammer i Oppland. Laget, som vart stifta i 1883, er eit av dei eldste laga i Noreg som driv skiidrett. Laget driv einast med skiidrett, og er i dag, i fylgje klubbens eiga nettside, det største reine skilaget i Noreg. Laget har grupper for både langrenn, hopp, kombinert og alpint.

Lillehammer Skiklub arrangerte i 1909 den første noregsmeisterskapen på ski, og er den klubben som har arrangert flest NM-arrangement. Laget skipar elles årleg til fleire skitevlingar. Til OL på Lillehammer i 1994 stilte klubben med over 500 frivillige funksjonærar. Lillehammer skiklub har saman med Rena Idrettslag vore arrangør av Birkebeinerrennet sidan starten i 1932. Klubben er medeigar i hoppanlegget Balbergbakken, saman med Faaberg Idrettslag.

Lillehammer Skiklub vann herrestafetten under NM i 1982. Mellom dei mest kjende skiløparane som har representerte laget finn ein Lars Høgvold, Arne Rustadstuen, Simon Slåttvik, Oddmund Jensen, Anders Bakken, Per Knut Aaland og Jon Inge Kjørum.

Bakgrunnsstoff[endre | endre wikiteksten]