Mordechai Vanunu

Frå Wikipedia – det frie oppslagsverket
Mordechai Vanunu

Statsborgarskap Israel, Marokko
Fødd 13. oktober 1954 (69 år)
Marrakech
Yrke teknikar, aktivist, varslar
Språk hebraisk
Politisk parti Maki
Religion kristendom, Den anglikanske kirke
Ektefelle Kristin Joachimsen
Nettstad http://www.vanunu.com/
Mordechai Vanunu på Commons

Mordechai Vanunu (fødd 13. oktober 1954) er kjend som ein israelsk kjernefysikar og varslar som i 1986 avslørde Israel sitt atomvåpenprogram og at Israel hadde slike våpen.

Vanunu var fødd i Marrakesh i Marokko av jødiske foreldre (faren var rabbinar). Han var i England då avsløringa kom, men då den israelske etterretningstenesta Mossad fekk vite om dette, sette dei opp ei honningfelle for han i Roma,[1] der han vart neddopa og teken til Israel. I Israel vart han dømd til 18 års fengsel. Han sona desse 18 åra, med 11 av dei i isolasjon. Då han kom ut frå fengselet, hadde han framleis avgrensa fridom. Han kunne mellom anna ikkje snakke med utlendingar, og for brot på denne regelen vart han i juli 2007 dømd til nye 6 månader i fengsel.

Mordechai Vanunu

Til Noreg[endre | endre wikiteksten]

I 2015 gifta Vanunu seg med norske Kristin Joachimsen, og dei to søkte om familiegjenforeining i Noreg. Det skulle likevel gå to år før dei fekk positivt svar.[2] Den 6. november 2017 søkte Vanunu til Høgsteretten i Israel om oppheving av restriksjonane som hindra attforening med ektefellen i Noreg. Dette var den tolvte gongen han søkte, men det vart likevel avslag.[3] Nytt avslag kom i juni 2018.[4]

Referansar[endre | endre wikiteksten]

  1. «M I D - E A S T R E A L I T I E S - LIE OF THE WEEK», www.middleeast.org, henta 19. oktober 2018 
  2. «Atomvarsler Mordechai Vanunu får familiegjenforening i Norge» (på norsk). 29. september 2017. 
  3. «Israel's Damnation and Living Death of Vanunu Mordechai, Nuclear Whistleblower - The Arab Daily News», thearabdailynews.com (på engelsk), henta 19. oktober 2018 
  4. «Mordechai Vanunu and 32 years of Security Risks - The Arab Daily News», thearabdailynews.com (på engelsk), henta 19. oktober 2018