New Horizons

New Horizons ved Pluto og Charon.

New Horizons vert skoten opp frå Cape Canaveral.

New Horizons tek sine første bilete av Pluto allereie i september 2006.

New Horizons er ein NASA-sonde på veg mot dvergplaneten Pluto. Den 478 kg tunge sonden vart feilfritt skoten opp 19. januar 2006 og vil vera det første romfartøyet til å passera Pluto og månane rundt. Etter plutopasseringa vil ein forsøka å passera éin eller fleire kuiperbelte-objekt. Den 28. februar 2007 passerte sonden Jupiter og returnerte detaljerte bilete av planeten og månane. New Horizons vil nå Pluto i juli 2015, og etter fullført oppdrag vil sonden bli den femte til å forlata solsystemet.

Viktige datoar

• 19. januar 2006: New Horizons vert skoten opp frå Cape Canaveral
• 13. juni 2006: New Horizons passerte asteroiden 132524 APL
• 28. februar 2007: New Horizons passerte Jupiter med ein avstand på 2,3 mill. km klokka 6:43 norsk tid
• 14. juli 2015: Sannsynleg passeringsdato av plutosystemet
• 2016-2020: Passering av eitt eller fleire kuiperbelteobjekt

Bakgrunnsstoff

• Nettstaden til prosjektet
• Informasjon om instrumenta om bord på New Horizons hos Institutt for teoretisk astrofysikk