Paulo Wanchope

Paulo Wanchope

Personleg informasjon
Namn	Paulo César Wanchope Watson
Fødselsdato	31. juli 1976
Fødestad	Heredia i Costa Rica
Høgd	193 cm
Posisjon	Spiss
Ungdomsklubb
	Herediano
Klubbar*
År	Klubb	Kampar (mål)
1994-96 1996-99 1999-2000 2000-04 2004-05 2005 2006 2006 2007 2007	Herediano Derby County West Ham United Manchester City Málaga Al-Gharrafa Herediano Rosario Central FC Tokyo Chicago Fire	- 66 (0) 35 (12) 64 (27) 25 (6) 6 (2) 10 (3) 14 (6) 12 (2) 12 (2)
Landslag
1996-2008	Costa Rica	73 (45)
* Klubbkampar og mål i nasjonal liga .

Paulo César Wanchope Watson, fødd 31. juli 1976 i Heredia, er ein costaricansk tidlegare fotballspelar og fotballtrenar. Han la opp i november 2007. I 2008-2009 trente han gamleklubben Herediano i Costa Rica. Pr. 5. juni 2006 er han den som har scora flest landslagsmål gjennom tidene for Costa Rica - 43 mål på 67 landskampar.

I ungdommen spelte Wanchope og basketball, men fotball vart til slutt viktigast. Han starta fotballkarrieren sin hjå Club Sport Herediano før han reiste til England for å spela for Derby County i 1997. Der scora han i debuten, mot Manchester United. Etter 79 kampar og 28 mål for Derby County vart Wanchope seld til West Ham United. Han vart aldri ein stor suksess i West Ham, trass i å ha scora 15 mål på 46 kampar, og vart til slutt seld vidare til Manchester City. Der vart han fast på laget og var med på å føra laget til opprykk til Premier League. Wanchope vart i England rekna som ein spanande spelar som likevel vart litt av ein skuffelse grunna for ujamne opptredenar.

Etter 2003/04-sesongen vart Wanchope seld til den spanske klubben Málaga CF for £500,000.

Wanchope har vore enormt viktig for Costa Rica sitt fotballandslag. Han spelte for laget i fotball-VM 2002 og fleire gonger i CONCACAF gold cup. 8. oktober 2005 vart Wanchope mest-scorande nokonsinne for Los Ticos, då han scora det første målet i ein heimesiger over USA i kvalifiseringa til fotball-VM 2006. Han er den mest kjende costaricanske fotballspelaren internasjonalt gjennom tidene.