Peerie Willie Johnson
| Peerie Willie Johnson | |||
| Fødd | 10. desember 1920 | ||
|---|---|---|---|
| Død | 22. mai 2007 (86 år) | ||
| Opphav | Shetland | ||
| Instrument | gitar | ||
| Verka som | gitarist | ||
«Peerie» Willie Johnson (10. desember 1920–22. mai 2007) var ein skotsk gitarist og bassist. Han var respektert som ein innverknadsrik og innovativ musikar i folkemusikkmiljøet på Shetland.[1] Johnson var kjend for ein spelestil som kombinerte element av amerikansk western swing og jazz med tradisjonell shetlandsk felemusikk.[2] Han var tilknytt den stilistiske motsette felespelaren dr. Tom Anderson, og var ein innverknad på Aly Bain (fele) og Martin Taylor (gitar). Sidan 2005 har det blitt halde ein årleg «Peerie» Willie Guitar Festival på øyane.[3]
«Peerie» er eit shetlandsk dialektord som tyder ‘liten’.[4]
Liv og virke[endre | endre wikiteksten]
Johnson var fødd på den shetlandske øya Yell. I barndommen var Johnson plaga av dårleg helse.[5] Denne påverka skulegangen hans, og han fullførte ikkje skulen. Men han byrja med musikk etter å ha sett eit fotografi av ein cowboy som spelte ukulele.[5] Han byrja med dette instrumentet, men byttasnart til gitar, trass i at fele var det leiande folkemusikkinstrumentet på Shetland.
Ein møte med Tom Anderson i 1936 fekk han jobb med det lokale Islesburgh Dance Band,[2] som då var det største bandet i Shetland. Etter å ha høyrt Eddie Lang og Django Reinhardt på radio, tilpassa han gitarstilen til shetlandsk musikk,[5] og skapte ein lyd som høyrdest ut «som ein bass og ein gitar som spelte saman,» ifølge medmusikaren og skribenten Archie Fisher. Fisher fortalde om ein festival i dei siste åra til Johnson, då han var omringa av gitaristar frå heile verda som høyrde han spela. «Dei sat alle der som disiplar»,[4] slik var respekten som Johnson heldt i folkemusikkverda.
I 2005 var Johnson ein av dei fyrste til å bli innlemma i Scottish Traditional Hall of Fame.[5]
Innspelingar[endre | endre wikiteksten]
Johnson gjorde opptak av musikken sin som ein kan finna på antologiar som Shetland Folk Fiddling,[2] og på plater og DVD-ar av Aly Bain, som òg hadde han med på fjernsynsprogrammet Aly Bain og Friends.
Kjelder[endre | endre wikiteksten]
- ↑ Hunt, K. Peerie' Willie Johnson The Guardian, 29. juni 2007, s. 44
- ↑ 2,0 2,1 2,2 Ankeny, Jason. «Willie Johnson – Biography & History». Henta 10. juni 2016.
- ↑ Administrator. «Shetland Music – Shetland Guitar Festival».
- ↑ 4,0 4,1 Goldman, Lawrence, red. (2013). Oxford Dictionary of National Biography 2005–2008. Oxford, UK: Oxford University Press. s. 606–607. ISBN 978-0199671540.
- ↑ 5,0 5,1 5,2 5,3 «Peerie Willie Johnson». Henta 10. juni 2016.
- Denne artikkelen bygger på «Peerie Willie Johnson» frå Wikipedia på engelsk, den 21. desember 2023.