Ruth Rendell

Ruth Rendell
Pseudonym	Barbara Vine
Statsborgarskap	Storbritannia
Fødd	17. februar 1930 London
Død	2. mai 2015 (85 år) London
Yrke	politikar, romanforfattar, manusforfattar, skribent, forfattar
Språk	engelsk
Politisk parti	Det britiske arbeidarpartiet
Sjanger	krim, mysterieforteljing
Medlem av	Royal Society of Literature
Far	Arthur Grasemann
Mor	Ebba Elise Kruse
Ektefelle	Donald John Rendell
Born	Simon Arthur Charles Rendell
Ruth Rendell på Commons

Ruth Barbara Rendell, baronesse Rendell av Babergh, (fødd som Ruth Barbara Grasemann, 17. februar 1930–2. mai 2015) var ein britisk forfattar og medlem av Overhuset i Det britiske parlamentet.

Bakgrunn

Rendell var fødd i South Woodford i Essex som dotter av to lærarar. Mor hennar, Ebba Kruse, var fødd i Sverige, men voks opp i Danmark, medan far hennar, Arthur Grasemann, var engelsk. Rendell voks opp som einebarn i Leyton, ein forstad på austkanten av London, men var ofte i Skandinavia i jula og andre feriar, og lærte både dansk og svensk. Under krigen blei mora ofte tatt for å vera tysk, og oppveksten til Rendell var prega av ei kjensle av utanforskap. Mor hennar utvikla etterkvart multippel sklerose og døydde medan Rendell var barn.

Virke

Rendell byrja i arbeidslivet som journalist. I 1964 debuterte ho med kriminalromanen From Doon with Death der ho introduserte karakteren som seinare skulle bli hennar mest kjente detektiv, Chief Inspector Reginald Wexford.

Parallelt med serien om inspektør Wexford skreiv Rendell psykologiske krimbøker, der ho utforska den avvikande psyka til forbrytarar. Etter hennar syn bidrar verdisynet til den engelske middelklassen ofte til å framkalla asosial og irrasjonell åtferd, i staden for å motverka henne. Frå 1986 vidareutvikla ho utforskinga si av dette under pseudonymet Barbara Vine.

Rendell blei rosa for elegant prosa, skarp innsikt i menneskesinnet og gode plott. Gjennom ein førtiårig forfattarkarriere spegla ho òg dei sosiale endringane i samfunnet, og sette søkelyset på område som familievald og den skiftande statusen til kvinner.

Rendell fekk ei lang rekke prestisjefylte prisar for bøkene sine. Mellom anna blei ho løna med ikkje mindre enn fire Gold Daggers, Crime Writers' Association sin pris for årets beste krimroman. A Fatal Inversion, skriven under pseudonymet Barbara Vine og vinnar av ein Gold Dagger-pris i 1987, var ein av sju nominerte til The Dagger of Daggers i 2005, CWA sin jubileumspris for beste kriminalroman gjeven ut dei siste 50 åra.

Fleire av bøkene til Rendell er filmatiserte, mellom anna i Pedro Almodóvar sin Carne trémula (Live Flesh). Inspektør Wexford-bøkene er blitt filmatiserte for TV med George Baker i hovudrolla som Reginald Wexford.

I 1996 blei Rendell utnemnd til kommandør av Order of the British Empire. I 1997 blei ho gjort til life peer. Ho sat i Overhuset som baronesse og medlem av Labour. Som Labour-politikar var Rendell blant dei fyrste til å motarbeida kvinneleg kjønnslemlesting frå plassen sin i Overhuset.

I januar 2015 blei ho innlagt på sjukehus med slag, og døydde i mai same år.

Bibliografi

Originaltittel	År	Type	Pseudonym	Norsk tittel	År	Omsetjar	Serie
From Doon with Death	1964	Roman		Dødelig hilsen	1991	Sidsel Mellbye	Inspektør Wexford 01
Vanity Dies Hard	1965	Roman
Wolf to the Slaughter	1967	Roman		En morder tar feil	1974	Per A.Hartun	Inspektør Wexford 02
The Secret House of Death	1968	Roman
The Best Man to Die	1969	Roman		Før døden skiller oss	1974	Eldor Martin Breckan	Inspektør Wexford 03
Vanity Dies Hard	1965	Roman
A New Lease of Death	1969	Roman					Inspektør Wexford 04
A Guilty Thing Surprised	1971	Roman					Inspektør Wexford 05
No More Dying Then	1971	Roman					Inspektør Wexford 06
One Across, Two Down	1971	Roman
Murder Being Once Done	1972	Roman		Dødens stillhet	1975	Hannemor Gram	Inspektør Wexford 07
Some Lie and Some Die	1973	Roman					Inspektør Wexford 08
The Face of Trespass	1974	Roman		Forbudt område	1980	Kari Kemény
Shake Hands Forever	1975	Roman		Farvel for alltid	1976	Karna Dannevig	Inspektør Wexford 09
A Demon in my View	1976	Roman		Djevel i sikte	1978	Siri Heiberg
The Fallen Curtain	1976	Noveller
A Judgement in Stone	1977	Roman		Dømt til å drepe	1979	Siri Heiberg
Make Death Love Me	1979	Roman		La døden elske meg	1981	Ådne Goplen
A Sleeping Life	1979	Roman					Inspektør Wexford 10
Means of Evil	1976	Noveller					Inspektør Wexford (noveller)
The Lake of Darkness	1980	Roman		I skorpionens tegn	1982	Kari Kemény
Put on by Cunning	1981	Roman		Forvoldt med list	1983	Ådne Goplen	Inspektør Wexford 11
Master of the Moor	1982	Roman		Hedemorderen	1984	Margrete Bratten
The Fever Tree	1982	Noveller
The Speaker of Mandarin	1983	Roman					Inspektør Wexford 12
An Unkindness of Ravens	1985	Roman					Inspektør Wexford 13
The Killing Doll	1984	Roman		Dukken som drepte	1985	Ådne Goplen
A Tree of Hands	1984	Roman		Et tre av hender	1986	Margrethe Bratten
The New Girlfriend	1985	Noveller
A Dark-adapted Eye	1986	Roman	Barbara Vine
Live Flesh	1986	Roman		Sin egen fiende	1987	Margrethe Bratten
A Fatal Inversion	1987	Roman	Barbara Vine
Heartstones	1987	Kortroman		Hjertesteiner	1988	Margrethe Bratten
Talking to Strange Men	1987	Roman		Farlige fremmede	1989	Helge Simonsen
The House of Stairs	1988	Roman	Barbara Vine
The Veiled One	1988	Roman		Kvinne med slør	1990	Margrete Bratten	Inspektør Wexford 14
The Bridesmaid	1989	Roman		Brudepiken	1991	Margrete Bratten
Ruth Rendell's Suffolk	1989	Sakprosa
Undermining the Central Line	1989	Sakprosa
Going Wrong	1990	Roman		Mot stupet	1992	Margrete Bratten
Gallowglass	1990	Roman	Barbara Vine
King Solomon's Carpet	1991	Roman	Barbara Vine	Kong Salamos teppe	1992	Knut Johansen
Kissing the Gunner's Daughter	1991	Roman		Brent barn	1993	Birgit Tønnesson	Inspektør Wexford 15
The Copper Peacock	1991	Noveller
The Crocodile Bird	1993	Roman		Krokodillefuglen	1994	Mona Lyche Ramberg
Asta's Book	1993	Roman	Barbara Vine
Simisola	1994	Roman		Simisola	1995	Per Malde	Inspektør Wexford 16
No Night is Too Long	1994	Roman	Barbara Vine
The Brimstone Wedding	1995	Roman	Barbara Vine
The Reason Why : An Anthology of the Murderous Mind	1995	Sakprosa
Blood Lines	1995	Noveller
The Keys to the Street	1996	Roman		Gatens nøkler	1997	Per Malde
Road Rage	1997	Roman		Vredens vei	1998	Per Malde	Inspektør Wexford 17
A Sight for Sore Eyes	1998	Roman		En fryd for øyet	1999	Hilde Sophie Plau
The Chimney-Sweeper's Boy	1998	Roman	Barbara Vine
Harm Done	1999	Roman		Vitnene	2001	Monica Carlsen	Inspektør Wexford 18
Grasshopper	2000	Roman	Barbara Vine
Piranha to Scurfy	2000	Noveller
Adam and Eve and Pinch Me	2001	Roman		Varslet død	2003	Tone Bull
The Blood Doctor	2002	Roman	Barbara Vine
The Babes in the Wood	2002	Roman		Forvillede sjeler	2007	Linn Øverås	Inspektør Wexford 19
The Rottweiler	2003	Roman		Rottweileren	2005	Linn Øverås
Thirteen Steps Down	2004	Roman		13 trinn ned	2008	Linn Øverås
The Minotaur	2005	Roman	Barbara Vine
The Water's Lovely	2006	Roman
The Thief	2006	Lettlesen bok
Not in the Flesh	2007	Roman					Inspektør Wexford 20
The Birthday Present	2008	Roman	Barbara Vine
Portobello	2008						roman
The Monster in the Box	2009						Inspector Wexford
Tigerlily's Orchids	2010						roman
The Vault	2011						Inspector Wexford
The Child's Child	2012		Barbara Vine
The Saint Zita Society	2012						roman
No Man's Nightingale	2013						Inspector Wexford
The Girl Next Door	2014						roman
Dark Corners	2015						roman

Prisar og utmerkingar

• 1975 – The Edgar Award for Best Short Story, for The Fallen Curtain
• 1976 – The Gold Dagger for A Demon in my View
• 1980 – The Martin Beck Award, for Drömmar till döds (Make Death Love Me)
• 1981 – Arts Council National Book Award for Genre Fiction for The Lake of Darkness
• 1982 – Prix du Roman d'Aventures for Le Maître de la lande (The Master of the Moor)
• 1984 – The Silver Dagger for The Tree of Hands
• 1984 – The Edgar Award for Best Short Story for The New Girlfriend
• 1986 – The Gold Dagger for Live Flesh
• 1987 – The Edgar Award for Best Novel for A Dark-adapted Eye
• 1987 – The Gold Dagger for A Fatal Inversion
• 1988 – The Angel Award for The House of Stairs
• 1990 – Sunday Times Award for Literary Excellence
• 1991 – The Gold Dagger for King Solomon's Carpet
• 1991 – The Cartier Diamond Dagger for Lifetime Achievement
• 1991 – Rivertonklubbens internasjonale ærespris
• 1993 – Palle Rosenkrantz-prisen for Som fuglen i krokodillens gab (The Crocodile Bird) og Kong Salomons tæppe (King Salomon’s Carpet)
• 1996 – Commander av Order of the British Empire
• 1996 – Svenska Deckarakademins Grand Master-diplom
• 1997 – Mystery Writers of America Grand Master Award
• 2004 – The Gumshoe Award for Lifetime Achievement

Kjelder

• Denne artikkelen bygger på «Ruth Rendell» frå Wikipedia på bokmål, den 25. mars 2023.