Skandinavia

Frå Wikipedia – det frie oppslagsverket

Skandinavia (samisk Skadesi-suolu/Skađsuâl) er eit delvis geografisk men hovudsakleg kulturelt og historisk område som inneheld dei tre skandinaviskspråklege landa, Noreg, Sverige og Danmark. Størstedelen av området er den skandinaviske halvøya, med Danmark som ei sørleg utviding. I Norden refererer nemninga skandinaviske språk til språka norsk, svensk og dansk.

Gjennom historia har dei skandinaviske landa ført mange krigar mot kvarandre, men har også vore i union, først i Kalmarunionen under dronning Margrete og seinare som Danmark-Noreg og Noreg og Sverige. I moderne tid har landa medvite søkt å samarbeida for å stå styrka i verda. Det at skandinavar kan reisa mellom landa utan pass er ein viktig del av eit slikt samarbeid.

[endre] Andre definisjonar

I engelsktalande land tek ein ofte også med Finland, Færøyane og Island i Skandinavia, sidan det engelske omgrepet for Norden, «the Nordic countries», ikkje er særleg i bruk.

I tysktalande land reknar ein Finland, men vanlegvis ikkje Danmark, med til Skandinavia.

[endre] Sjå òg

• Skandinavisme

[endre] Bakgrunnsstoff