Sgurr Alasdair

Frå Wikipedia – det frie oppslagsverket
Gå til: navigering, søk
Sgurr Alasdair
Sgurr Alasdair -
Høgd over havet 993 moh.
Ligg i/på Flag of the United Kingdom.svg Storbritannia
(Flag of Scotland.svg Skottland)
Fjellkjede Black Cuillin
Primærfaktor 992 m
Koordinatar 57°12′23.74″N 6°13′19.99″WKoordinatar: 57°12′23.74″N 6°13′19.99″W
Førsteklatring Alexander Nicolson, 1873
Lettaste rute Småklatring

Sgurr Alasdair er det høgste fjellet i fjellkjeda Black Cuillin og det høgste fjellet på Isle of Skye i Skottland. På same måten som resten av fjellkjeda, er det bygt opp av gabbro, ein bergart som eignar seg svært godt til fjellklatring.

Som med andre fjell i Cuillin-fjellkjeda, må ein tole høgder og å bruke hendene for å kome seg til toppen. Den minst krevjande ruta følgjer the Great Stone Shoot («det store steinspranget») – ei steinrøys som går oppover frå dalbotnen Coire Lagan og møter hovudryggen under toppen. Ein må så småklatre litt den siste biten, før ein kjem til den skarpaste toppen i Cuillin.

Andre ruter krev gode ferdigheiter innanfor småklatring eller klatring med tau. Toppen av Sgurr Alasdair kan verte nådd ved å ta ein kort omveg frå hovudryggen for klatrarar som vil utnytte heile potensialet sitt på Cuillin-fjellkjeda, eller dei som følgjer steinrøysa opp frå Coire Lagan.

The Great Stone Shoot, eller «det store steinspranget», er ein av vegane som fører opp til Sgurr Alasdair.