Surna
.jpg)
Surna er ei elv i Surnadal og Rindal kommune. Elva startar ved Rindalsskogen i møte mellom elvane Lomunda og Tiåa. Dei viktigaste sideelvene til Surna er Rinna, Folla og Vindøla, som alle har kjeldene sine i Trollheimen. Surna munnar ut i Surnadalsfjorden ved Surnadalsøra.
Surna saman med Driva er dei viktigaste lakseelvane på Nordmøre. Den største laksen som er teke på stong i Surna er 26,5 kg. Gjennomsnittsstorleiken på laksen i Surna er om lag 5 kg. Dei fleste åra vert det fanga laks på 17 - 18 kg.
Laks og sjøaurefiske er lov frå og med 1. juni til og med 31. august.
Sidan 2001 har Norsk laksefestival vorte arrangert årleg i Surnadal med fiskekonkurranse i Surna.
Bakgrunnsstoff[endre | endre wikiteksten]
- Surna Arkivert 2020-10-29 ved Wayback Machine.
Denne geografiartikkelen som har med Møre og Romsdal å gjere, er ei spire. Du kan hjelpe Nynorsk Wikipedia gjennom å utvide han.
