Teofilus

Teofilus eller Theophilos er eit gresk mannsnamn sett saman av theos, 'gud', og philos, 'kjærleik'. Namnet tyder ein som elskar Gud.

Namnet finst mellom anna som latinsk Theophilus, fransk Théophile, spansk og portugisisk Teófilo og tysk Theophil. Theophile har vore bruka som ei hokjønsform. Namnet er òg omsett til latin som Amadeus og til tysk som Gottlieb.

Teofilus som bibelsk namn

Både Evangeliet etter Lukas og Apostelgjerningane er dedikerte til Teofilus. Denne dedikasjonen er det vanleg å forstå symbolsk, Teofilus kan vere eit namn som omfattar alle dei som vil ta imot den bodskapen skriftet ber med seg.

Bruk av namnet i Noreg

Teofilus er ikkje noko vanleg namn i Noreg:

• I folketeljinga i 1801 var det seks som heitte T(h)eophilus i Noreg
• I folketeljinga i 1900 var det berre to som oppgav T(h)eophil(us) til førenamn, ei heitte Theophile.

Kjende namneberarar

• Teofilo Folengo (1491-1544), italiensk forfattar
• Théophile de Viau (1590-1626), fransk diktar
• Théophile Gautier (1811-1872), fransk forfattar
• Teófilo Braga (1843-1924), portugisisk politikar og forfattar
• Théophile Delcassé (1852-1923), fransk politikar
• Theophilus Hansen (1813-1891), dansk arkitekt
• Théophile Steinlen (1859-1923), fransk kunstnar
• Theophil Wurm (1868-1953), tysk teolog og biskop
• Teófilo Cubillas (f. 1949), peruviansk fotballspelar

Sjå òg:

• Søk etter norsk namnestatistikk for Teofilus eller Theophilus hjå Statistisk Sentralbyrå
• Folketeljingar i Digitalarkivet