Tor Torkildsen

Tor Torkildsen
Statsborgarskap	Noreg
Fødd	3. juni 1932 Trondheim
Død	8. juli 2006 (74 år)
Yrke	skribent

Tor Torkildsen (3. juni 1932–8. juli 2006) var ein norsk sjømann, reiar og forfattar frå Trondheim. Etter eit langt liv på skip og i reiarlag debuterte Torkildsen i 1994 med spenningsromanen Stella Baltica. Etter kvart skreiv han om lag 30 bøker i alt. Alle bøkene til Tor Torkildsen byggjer på erfaringar frå arbeidet hans: reiarlag og båtar, og hamner og hav verda rundt. I nokre av dei beste bøkene sine har han òg med trekk frå sjølivet før i tida.

Biografi

Tor Torkildsen vart fødd inn i ein shipping-familie. Faren og bestefaren var begge sjøkapteinar, og då Tor voks opp, tok han utdanning for å overta familiereiarlaget i heimbyen. Før han i 1961 vart sjef i reiarlaget, hadde han jobba med shipping i London, Santos, Djakarta og Oslo. Han dreiv reiarlaget frå 1961-77. Sidan dreiv han ein marina i Skottland frå 1977-1983, og jobba som eksportsjef i eit elektronikkfirma. Han vart arbeidsledig i 1989, då han var 57. Det var då skrivinga tok til for alvor. Sidan var han fulltidspensjonist og forfattar. Dei siste åra budde han halve året i Trondheim, og halve året i Thailand.

Bibliografi

• Stella Baltica (1994)
• Piratene på Bali (Lisa og Nils 1) (1995)
• Dødt skip (1995)
• Gullskatten på revet (Lisa og Nils 2) (1996)
• På død manns kiste (1996)
• Flukten på floden (Lisa og Nils 3) (1997)
• Livbåten (1997)
• Diamanter i lasten (Lisa og Nils 4) (1999)
• Brenning-serien (20 bøker) (1999-2003)
• Kapret på Bermuda (Lisa og Nils 5) (2000)
• Savnet i Alaska (Lisa og Nils 6) (2001)
• Forsvunnet på Ben Nevis (Lisa og Nils 7) (2002)
• Akterutseilt (Peder 1) (2003)
• Skipbrudden (Peder 2) (2004)

Bakgrunnsstoff

• schibstedforlagene.no Forfatterens selvbiografi i samband med lansering av bokserien Brenning.