Torstein Bae
| Torstein Bae | |
|
| |
| Statsborgarskap | Noreg |
| Fødd | 3. april 1979 (45 år) Oslo |
| Idrett | sjakk |
| Tok del i |
Sjakk-OL 2012, Sjakk-OL 2002 |
| Utmerkingar |
TV-prisen |
Torstein Bae (fødd 3. april 1979) er ein norsk sjakkspelar. Torstein Bae vart i 2007 utnemnd til Internasjonal Meister i sjakk. Han oppfylte kravet om 3 turneringsresultat med til saman minst 27 parti i 2001 og 2002. Først ved ein tredjeplass i Noregsmeisterskapen i sjakk i juli 2001[1], så i ei stormeister-turnering i Oslo Schakselskap i januar 2002, og til slutt under EM i sjakk individuelt i Batumi i juni 2002[2]. Han vart deretter tildelt tittelen Internasjonal Meister i sjakk av Verdssjakkforbundet FIDE på vilkår av at han klarte kravet om eigen FIDE-rating på minst 2400[3]. Dette tok si tid, men under Politiken Cup/Nordisk meisterskap i sjakk i Danmark, klarte han den 27. juli 2007 å oppfylle rating-kravet på 2400, etter å ha tatt 6 poeng på dei 8 første rundane mot sterke motstandarar. Verdssjakkforbundet stadfesta deretter pr 1. oktober 2007 at rating-vilkåret var oppfylt, og Torstein Bae blei dermed den 19. dålevande IM i Noreg.
Torstein Bae deltok på det norske landslaget i sjakk-OL (VM for landslag) i 2002 og 2012.
Han var president i Norges Sjakkforbund frå 2004 til 2007. Bae er også medlem av Schakklubben av 1911.
Torstein Bae er gift med sjakkspelaren Silje Bjerke.
Bakgrunnsstoff[endre | endre wikiteksten]
- Torstein Bae sine parti hos www.chessgames.com
- Torstein Bae sine parti hos NorBase
- Torstein Bae sin rating hos verdssjakkforbundet FIDE
Kjelder[endre | endre wikiteksten]
Fotnotar[endre | endre wikiteksten]
- ↑ Norsk Sjakkblad nr 4 - 2001 side 8
- ↑ Norsk Sjakkblad nr 4 - 2002, side 27
- ↑ IM-tittel tildelt "kond on rtg"