Wes Brown

Frå Wikipedia – det frie oppslagsverket
Gå til: navigering, søk
Wes Brown i februar 2011

Wesley Michael Brown (fødd 13. oktober 1979 i Manchester) er ein engelsk fotballspelar, fødd og oppvaksen i Manchester. Brown har spela for Sunderland sidan sommaren 2011, åra 1998-2011 spela han for Manchester United. Han har vore med å vinne Meisterligaen to gongar, den engelske ligaen fem gongar, FA-cupen to gongar og ligacupen ein gong.

Aktiv[endre | endre wikiteksten]

Den 185 cm høge og 75 kg tunge Wes Brown signerte ein arbeidsavtale med favorittklubben Manchester United den 4. november 1996, 17 år gamal. 4. mai 1998 fekk han sin ligadebut, då han var innbyttar mot Leeds United. Gjennombrotet kom i 1998/99-sesongen, då han fekk fleire kampar som høgreback, og som midtstoppar i spann med Jaap Stam. Sesongen kunne ikkje ha gått betre for Brown, ettersom United vann både den engelske liagaen, FA-cupen og Meisterligaen. Sommaren 1999 vart han skadd, den fyrste av det som skulle bli ei lang rekke langvarige skadar.

Ein fin 2000/01-sesong blei følgd opp av nok ein solid 2001/02-sesong. Brown spelte då så godt at han fekk plass i Englands tropp til VM 2002. Utover i 2002/03-sesongen spela han særleg godt, men atter pådrog han seg skadar som han sette han ut av spel i lang tid.

Etter 2008 vart det mindre speletid for Brown i Manchester United. Han hadde ikkje plass i fyrsteellevaren, og spela oftast sideback. Gjennom 13 år for United spela han 383 obligatoriske kampar for klubben. Mellom 1999 og 2010 spela han 23 landskampar for Englan dog skåra eitt mål.

Merittar[endre | endre wikiteksten]

Bakgrunnsstoff[endre | endre wikiteksten]