Østenstad kyrkje

Østenstad kyrkje
kyrkje
Østenstad kyrkje Foto: Hans A. Rosbach
Kyrkjesamfunn	Den norske kyrkja
Bispedøme	Oslo
Prosti	Asker
Sokn	Østenstad
Fellesråd	Asker
Arkitekt	Harald Hille
Teknikk	Mur
Material	Tegl
Innvigd	23. mars 1980
Stopul	I betong
Klokker	Olsen Nauen
Kyrkjegard	Ved kyrkja
Preikestol	Teikna av arkitekten
Døypefont	Teikna av arkitekten
Altartavle	Terje Grøstad
Orgel	Paul Ott
Sitjeplassar	530
Østenstad kyrkje 59.81264806°N 10.46409111°E / 59.81264806; 10.46409111
Wikimedia Commons: Østenstad kirke

Østenstad kyrkje er ei av kyrkjene i Asker prosti under Oslo bispedøme, og ligg på Østenstad i Asker kommune i Akershus fylke. Attmed kyrkja ligg den eine av dei to gravlundane i Asker kommune, opparbeidd i 2008; den andre ligg kring Asker kyrkje.

Kyrkja er ei sokalla «arbeidskyrkje» i teglstein, vigsla 23. mars 1980 av biskop Andreas Aarflot, teikna av arkitekt Harald Hille. To kyrkjeklokker vart støypte i 1980 av Olsen Nauen Klokkestøperi i Tønsberg, i tillegg til ei lita klokke nytta til friluftsgudstenester på staden, støypt av gjørtler Ole Andstad frå Sakshaug i Nord-Trøndelag.

Østenstad vart eigen kyrkjelyd i 1972, med aulaen på Blakstad sjukehus som førebels kyrkjeleg lokale. Asker kommune kjøpte i 1979 tomt til kyrkja på eit areal av «Tåjet» (som tyder «inngjerda område for dyr») på Lille Østenstad gård (som har namnet etter det gamle mannsnamnet «Eystein»), og grunnsteinen for kyrkja vart lagt ned 24. mai 1979. Garden har i gamal tid vore kyrkjegods under Asker kyrkje, og fyrst på 1840-talet fekk bygslaren skøyte på garden.

Bakgrunnsstoff

• Østenstad kirke
• Østenstad kirke på Kyrkjesøk
• Alf Henry Rasmussen (1993). «Østenstad kirke, Vettre». Våre kirker. Norsk kirkeleksikon. Kirkenær: Vanebo forlag. s. 698. ISBN 82-7527-022-7. 
• Østenstad kyrkje i kulturminnesok.no, nettstaden til Riksantikvaren