Øystein Pettersen

Frå Wikipedia – det frie oppslagsverket
Hopp til navigering Hopp til søk
Øystein Pettersen
Øystein Pettersen.JPG
Fødd 19. januar 1983
Bærum
Yrke langrennsløpar, ishockeyspelar
Øystein Pettersen på Commons
Øystein Pettersen i 2007

Øystein Pettersen (fødd 19. januar 1983) er ein norsk langrennsløpar frå Oslo som har spesialisert seg mot sprintdistansane. Han vann OL-gull på sprintstafetten saman med Petter Northug under vinter-OL 2010 i Vancouver.

Aktiv[endre | endre wikiteksten]

Pettersen fekk sitt gjennombrot då han hausten 2006 i Düsseldorf vart nummer to både på sprinten og sprintstafetten under opningsrenna i verdscupen i langrenn. Dei komande sesongane fekk han ein tredjeplass i Rybinsk i 2007, ein andreplass i Kuusamo i november 2008 og ein tredjeplass i Düsseldorf i desember 2009, alle saman sprinttevlingar.

Pettersen deltok for Noreg i begge sprinttevlingane under vinter-OL 2010 i Vancouver. Han kom på sjetteplass i den individuelle øvinga, der han var tredje beste nordmann. Petter Northug og Ola Vigen Hattestad skulle gå sprintstafetten for Noreg, men då Hattestad kjende seg småsjuk, overlet han sin plass til Pettersen. Pettersen og Northug sigra i stafetten, vel eitt sekund føre Tyskland og Russland som tok dei andre medaljane i tevlinga.

I november 2011 kom Pettersen for andre gong på pallen i eit sprintrenn i Kuusamo, ein tredjeplass. Pettersen har sjeldan hevda seg i eigentleg langrenn, men på tampen av 2013-sesongen delte han bronsemedaljen med Hans Christer Holund på NM-femmila i Løten.

Medaljar og besteplasseringar i noregsmeisterskap[endre | endre wikiteksten]

  • 2006: Nr 10 på 50 km i Vardø
  • 2007: Nr 8 på 50 km i Nybygda
  • 2013: Bronsemedalje på 50 km på Løten

Kjelder[endre | endre wikiteksten]

  • Sportsboken, aktuelle årgangar