24SevenOffice
| 24SevenOffice | |
| Selskapsform | aksjeselskap  |
|---|---|
| Org.nr. | 879 447 992 |
| Skipa | 1997 |
| Bransje | programvarebransje |
| Hovudkontor | Tjuvholmen |
24SevenOffice er eit norsk IT-firma med hovudkontor i Skien og kontor i Oslo, Stockholm og London.
Firmahistorie[endre | endre wikiteksten]
24SevenOffice vart starta i 1996 i Porsgrunn av Stian Rustad. Selskapet heitte tidlegare kontorplassen.no men skifta i februar 2005 namn til 24SevenOffice.
I februar 2005 kjøpte selskapet den svenske konkurrenten Start & Run. Dette gjorde at 24SevenOffice fekk 400 nye kundar.
I august 2005 hadde selskapet ein emisjon som gav 15 millionar kroner til selskapet. Selskapet vart lista på OTC-marknaden som ein unotert aksje 5. oktober 2005. Tickeren er 24SO og 11. oktober same år vart aksjen handla til 11,50 kr, noko som verdsette selskapet til 67 millionar kroner.
I desember 2005 gjekk selskapet inn i ei partnaravtale med Active24.
I januar 2006 vart selskapet hovudsponsor til Petter Solberg, tidlegare verdsmeister i WRC, i ein sponsoravtale verdt 5 millionar norske kroner.
Produkt[endre | endre wikiteksten]
24SevenOffice er eit web-basert ERP-system for små og mellomstore føretak. Systemet inkluderer modular for CRM, rekneskap, fakturering, e-post, fil-/dokumenthandsaming og prosjektstyring.
Systemet er web-basert og nyttar HTML, JavaScript, CSS, XML og XMLHttpRequest for å oppnå eit raskt brukargrensenitt. Teknikken som vert nytta vert ofte omtala som Ajax.
24SevenOffice har vunne fleire prisar, inkludert «Seal of Excellence» på CeBIT og «Årets Produkt 2005» i Kapital.
Konkurrentar[endre | endre wikiteksten]
Den einaste to direkte konkurrentane er amerikanske NetSuite og norske Office123, som òg tilbyr eit liknande web-basert system. Andre web-baserte konkurrentar inkluderer Salesforce.com, SugarCRM og QuickBooks Online.
Tradisjonelle konkurrentar i Noreg er Mamut, Visma, SuperOffice og HansaWorld.
Modular[endre | endre wikiteksten]
- Fakturering
- Rekneskap
- Salsstøttesystem (CRM)
- Fil-/dokumenthandsamar
- E-post
- Prosjektstyring
- Kalender
- Publisering
- Netthandel