Armavir i Russland

Armavir; Армавир
Flagget til Armavir	Byvåpenet til Armavir
Plassering
Styresmakter
Land	Russland
Føderasjonssubjekt	Krasnodar kraj
Grunnlagd	1839
Geografi
Flatevidd; - By	; 280 km²
Innbyggjarar ; - Totalt (2007); - folketettleik	; 190 000 ; 678,6 /km²
Koordinatar	45°00′0″N 41°07′0″E / 45.00000°N 41.11667°E
Høgd over havet	190 moh.
Tidssone; - Ved sommartid	MSK (UTC+3); MSD (UTC+4)
Diverse annan informasjon
Postnummer	352900–352947
Retningsnummer (tlf)	(+7)86137
	Nettstad: www.armawir.ru/

Armavir (russisk: Армави́р) er ein by i Krasnodar kraj i Russland. Han ligg ved elva Kuban, rundt 170 km aust for Krasnodar. Han har om lag 190 000 innbyggjarar.

Busetnaden vart grunnlagd i 1839 av tsjerkesogai-armenarar under namnet Armjanskij aul (russisk: Армя́нский ау́л). Namnet vart endra til Armavir i 1848 etter den gamle hovudstaden i Armenia, og han fekk bystatus i 1914. Under den russiske borgarkrigen i 1918–1920 fann det stad mange brutale kampar ved byen. Det militære felttoget til Taman-armeen slutta i Armavir i 1918. Sovjetisk autoritet vart oppretta i Armavir i mars 1920. Under andre verdskrigen var byen okkupert av den tyske armeen, og han vart frigjort i januar 1943.

Armavir er senter for eit fruktbart jordbruksområde, og innan næringslivet i byen er næringsmiddelindustrien framherskande. Det finst òg verksemder innan maskinbygging.

Kjelder[endre | endre wikiteksten]

Denne artikkelen bygger på «Armavir i Russland» frå Wikipedia på bokmål, den 25. desember 2008.