Bamako
Bamako er hovudstaden i det afrikanske landet Mali. Byen ligg ved elva Niger (Joliba 'blodelva' (joli 'blod', ba 'elv') på bambara) i den sørvestlege delen av landet. Bamako er administrativt sentrum i landet, og er ein viktig hamneby og eit regionalt handelssentrum. Hovudnæringane er tekstil, matvarer og metall.
Folkesetnad[endre | endre wikiteksten]
Bamako er på sjetteplassen mellom dei raskast veksande byane i verda.[1] I 1884 hadde byen 2 500 innbyggjarar, i 1908 8000 innbyggjarar[2], i 1945 37 000 innbyggjarar, i 1960, året då Mali blei uavhengig, hadde talet stige til 100 000, og i 2009 var det kome opp i 2 209 225[3]. Byen er dessutan den sjuande største i Vest-Afrika, etter Lagos, Abidjan, Kano, Ibadan, Dakar og Accra.
Namnet på byen[endre | endre wikiteksten]
Namnet Bamako kjem frå bambara og tyder 'krokodillerygg' (bama 'krokodille'; kɔ 'rygg').[4]
Bydelar[endre | endre wikiteksten]
Bamako har desse bydelane; namna er skrivne på bambara (bamanankan) og nokre i tillegg på fransk (etter skråstreken når båe språka er med):
|
|
|
|
Klima[endre | endre wikiteksten]
Bamako ligg lengst sør i Sahel og har eit tropisk klima med ein gjennomsnittleg nedbør på 878 mm i året, og med ei klårt åtskild tørketid og regntid.
Venskapsbyar[endre | endre wikiteksten]
- Angers, Frankrike (sidan 1974)
- Bobo Dioulasso, Burkina Faso
- Dakar, Senegal
- Leipzig, Tyskland
- Rochester, New York, USA (sidan 1975)
- São Paulo, Brasil
- Sinyar, Indonesia
- Slocomb, Alabama, USA (sidan 1912)
Kjende personar som er fødde i Bamako[endre | endre wikiteksten]
- 1954, 24. oktober, Amadou Bagayoko, songar og gitarist i Amadou & Mariam
- 1955, 23. juni, Jean Tigana, fransk fotballspelar og -trenar
- 1958, 15. april, Mariam Doumbia, songar Amadou & Mariam
- 1968, 25. februar, Oumou Sangaré, songar, feminist og menneskerettsaktivist
- 1979, 15. juli, Boubacar Diarra, malisk fotballspelar
- 1978, 15. april, Soumaila Coulibaly, malisk fotballspelar i FSV Frankfurt
Norske organisasjonar i Bamako[endre | endre wikiteksten]
Mange internasjonale humanitære organisasjonar og misjonsorganisasjonar er etablerte i Bamako, og mellom norske organisasjonar finn vi Kirkens nødhjelp, Strømmestiftelsen, Santalmisjonen og Det norske misjonsselskap.[5]
Bibliografi[endre | endre wikiteksten]
Brauner, Siegmund 1974. Lehrbuch des Bambara. Leipzig: VEB Verlag Enzyklopädie.
Fotnotar[endre | endre wikiteksten]
- ↑ The world’s fastest growing cities and urban areas from 2006 to 2020
- ↑ S. Konaté, Bamako, enracinée dans l’histoire, ouverte au Monde, L’Essor , 1er décembre 2005.
- ↑ Jf. artikkelen om Bamako på fransk wikipedia.
- ↑ Jf Artikkelen om Bamako på tysk wikipedia og Brauner (1974).
- ↑ Eigne observasjonar under fleire opphald i Bamako; Rolf Theil.