Bjørgulv Braanen
| Bjørgulv Braanen | |
 | |
| Statsborgarskap | Noreg |
| Fødd | 14. november 1956 (69 år) Fredrikstad |
| Yrke | journalist, redaktør |
| Ektefelle | Lena Lindgren |
| Born | Aksel Braanen Sterri |
| Prisar | Fritt Ords Pris, Nynorsk redaktørpris |
| Bjørgulv Braanen på Commons | |
Bjørgulv Braanen (fødd 14. november 1956 i Fredrikstad) er ein norsk journalist og samfunnsdebattant frå Bærum. Han var redaktør av den sosialistiske dagsavisa Klassekampen frå 2002 til 2018. Frå 2018 har han vore politisk redaktør i same avis.
Braanen var leiar for Yrkesskoleelevenes og lærlingenes interesseorganisasjon (YLI) frå 1977 til 1979. I fleire år på 70- og 80-talet jobba han som sveisar, mellom anna på Nylands mekaniske verksted i Oslo. Han arbeidde som journalist i Klassekampen frå 1984 til 1990 og som redaksjonssjef frå 2000 til 2002, då han vart redaktør for avisa. I perioden frå 1990 til 2000 arbeidde han for avisa Dagens Næringsliv.
Braanen var leiar av Raud Ungdom då det var ungdomspartiet til AKP (ml).
Braanen har grunnfag i historie. I 2005 peika Dagbladet han ut som ein av Noregs ti viktigaste intellektuelle. Året etter fekk han Fritt Ord-prisen for Klassekampen sitt bidrag til seriøs politisk journalistikk. Braanen vart kåra til «årets redaktør» av Oslo Redaktørforening i 2010.
I tida etter at han vart redaktør for Klassekampen har Braanen skildra seg sjølv som sosialist, og som sterkt inspirert av Finn Gustavsen, Ottar Brox, Karl Marx og Johan Castberg.
Kjelder
[endre | endre wikiteksten]«Bjørgulv_Braanen» i Store norske leksikon, snl.no.