Carl Kaas
| Carl Kaas | |
|
| |
| Statsborgarskap | Noreg |
| Fødd | 28. juli 1982 (41 år) Oslo |
| Idrett | orientering |
Carl Waaler Kaas (fødd 28. juli 1982) er ein norsk tidlegare orienteringsløpar frå Oslo. Han vart verdsmeister på mellomdistansen i 2010 og vann VM-gull i stafett i 2015.
Aktiv[endre | endre wikiteksten]
Saman med Lars Skjeset og Øystein Østerbø fekk Kaas bronsemedalje i stafetten ved EM i orientering 2006 i Otepää. I sin VM-debut i 2008 i Olomouc, kom Kaas på 11.-plass på normal-distansen.
Høgdepunktet som aktiv kom då Kaas vann mellomdistansen VM i orientering 2010 i Granåsen Trondheim, 7 sekund framom andremann. Dagar seinare sprang han den fyrste etappen for det norske sølvlaget i stafett, Audun Weltzien og Olav Lundanes tok seg av dei siste etappane. Også dei to neste åra vart det stafettsølv i VM, i 2011 i Frankrike og 2012 i Sveits. Under EM i 2012 i Falun kom Kaas i mål til bronsemedalje på mellomdistansen.
Under VM 2015 i Skottland tok Kaas seg av den andre etappen då han for fjerde gong tok eit VM-sølv i stafett, då saman med Øystein Østerbø og ankermann Magne Dæhli. I 2016 opna Kaas for det norske laget som vann stafetten ved VM i Strömstad-Tanum i Sverige. Han opparbeidde ei stor leiing, før Olav Lundanes og Magne Dæhli fullførte triumfen med solide løp på sine etappar. Seinare i sesongen tok Kaas kongepokalen då han sigra på mellomdistansen under NM i Bodø. Han la opp ved sesongslutt.
Medaljar og plasseringar i verdsmeisterskap[endre | endre wikiteksten]
- VM 2010: Gull på mellomdistansen, sølv i stafett
- VM 2011: Sølv i stafett
- VM 2012: Sølv i stafett
- VM 2013: Nr 7 på mellomdistansen
- VM 2014: Nr 7 på mellomdistansen
- VM 2015: Sølv i stafett
- VM 2016: Gull i stafett, nr 5 på klassisk-distansen
Kjelder[endre | endre wikiteksten]
- Denne artikkelen bygger på «Carl Waaler Kaas» frå Wikipedia på bokmål, den 10. juli 2023.