Christian Jakhelln
| Christian Jakhelln | |||
 | |||
| Fødd | 31. desember 1863 Bodø | ||
|---|---|---|---|
| Død | 7. mai 1945 (81 år) | ||
| Statsborgar av | Noreg | ||
| Parti | Høgre | ||
| Yrke | politikar, forretningsdrivande | ||
| Ektefelle | Sofie Jakhelln | ||
| Barn | Christian Albrecht Jakhelln, Elise Jakhelln, Anton Sofus Bachke Jakhelln | ||
| Alle verv |
| ||
Christian Albrecht Jakhelln (31. desember 1863–7. mai 1945) var ein norsk forretningsmann og politikar frå Bodø. Han var ordførar i Bodø i 10 1/2 år fordelt på 1899-1900, 1902, 1908-10, 1917 og 1919-22, dessutan varaordførar i 7 1/2 år.
Jakhelln arbeidde frå 1879 i faren sitt firma Christian Jakhelln, påbyrja av farfaren, forretningsmannen og politikaren Christian Jackhelln. Gjennom fleire år arbeidde han også utanlands. Han var medeigar i firmaet frå 1895. Frå 1896 til 1917 var han russisk visekonsul. Han var elles ein sentral aktør i Bodø Handelsstands Forening.
Jakhelln var medlem i Bodø bystyre frå 1895 til 1931, med unnatak for valperioden 1911-13. Som fyrste vararepresentant til Stortinget 1922-24 frå kjøpstadene i Nordland, Troms og Finnmark, vart han kalla inn då Karl Ivarsson døydde. På Stortinget hadde han sete i Lagtinget. I 1922 var han medlem i Universitets- og fagskulekomiteen, i 1923-24 i Konstitusjonskomiteen.