Christian Plaziat

Christian Plaziat
Statsborgarskap	Frankrike
Fødd	28. oktober 1963 (61 år) Lyon
Idrett	friidrett
Tok del i	Friidrett under Sommar-OL 1996, Friidrett under Sommar-OL 1992, Friidrett under Sommar-OL 1988

Christian Plaziat (fødd 28. oktober 1963) er ein fransk tidlegare mangekjempar frå Lyon som vart europameister i tikamp i 1990. Elles sigra han i sjukamp i tre hallmeisterskap; EM 1992, EM 1994 og VM 1995.

Aktiv

Plaziat vart fjerdemann i tikampen då VM 1987 fann stad i Stuttgart, med 8 307 poeng kom han 68 poeng under bronseplassen. Året etter vart han nummer fem i øvinga under Sommar-OL i Seoul, 8 272 poeng var 56 poeng for lite til å kome likt med bronsemedaljøren. Same hausten 1988 sanka han 8 512 poeng og sigra ved meistermøtet Décastar i Talence, ein prestasjon han gjentok med nøyaktig like mange poeng hausten etter. Tidlegare i 1989 vann han òg Götzis-stemnet med sine 8 485 poeng.

I europameisterskapen 1990 i Split gjorde Plaziat sitt liv beste tikampserie og plukka til saman 8 574 poeng,138 framom sølvvinnaren og fransk rekord til 2007. Der etter heldt han fram sigersrekka i Décastar med 8 525 poeng i 1990 og 8 456 poeng i 1991. Vinteren 1992 vann Plaziat sjukampen i hall-EM i Genova med 300 fleire poeng enn nummer to, og forsvarte i 1994 i Paris EM-tittelen med halvert sigersmargin. Sommaren 1994 kom han på fjerdeplassen ved EM i Helsinki, der landsmannen Alain Blondel syrgde for at den europeiske tikampmeisteren vart verande fransk. I mars 1995 vann Plaziat sjukamp-tevlinga ved hall-VM i Barcelona.

Medaljar og plasseringar i internasjonale meisterskap

• EM 1986 i Stuttgart: Nr 7 – 8 196 poeng
• VM 1987 i Roma: Nr 4 – 8 307 poeng
• OL 1988 i Seoul: Nr 5 – 8 272 poeng
• EM 1990 i Split: Gullmedalje – 8 574 poeng, framom Dezső Szabo (8436)
• VM 1991 i Tokyo: Nr 9 – 8 122 poeng
• OL 1992 i Barcelona: Braut
• VM 1993 i Stuttgart: Nr 6 – 8 398 poeng
• EM 1994 i Helsinki: Nr 4 – 8 127 poeng
• VM 1995 i Göteborg: Nr 6 – 8 206 poeng
• OL 1996 i Atlanta: Nr 11 – 8 282 poeng

Kjelder

• Denne artikkelen bygger på «Christian Plaziat» frå Wikipedia på tysk, den 18. august 2019.
• Denne artikkelen bygger på «Christian Plaziat» frå Wikipedia på engelsk, den 18. august 2019.

Bakgrunnsstoff

• «Christian Plaziat» (på engelsk). olympedia.org. Henta 20. februar 2023.