David Jenkins

Frå Wikipedia – det frie oppslagsverket
Hopp til navigering Hopp til søk
David Jenkins

David Andrew Jenkins (fødd 25. mai 1952) er ein britisk-skotsk forretningsmann, friidrettsutøvar og narkotikasmuglar som bur i delstaten California i USA. Han vann EM-gull på 400 m i 1971 og i 4 x 400 m stafett i 1974.

Friidrett[endre | endre wikiteksten]

Jenkins slo gjennom i 1971-sesongen med topptider som 20,6 sekund på 200 meter og 45,5 på 400 meter. Under europameisterskapen i Helsinki vann han 400-meteren hårfint føre Marcello Fiasconaro frå Italia, begge fekk sluttida 45,5. Året etter sprang han Storbritannia inn til OL-sølv i 4 x 400 m stafett, 0,6 sekund bakom Kenya sin ankermann.

I august 1974 forbetra Jenkins den britiske rekorden på 400 meter til 45,18 sekund ved eit stemne i Zürich. Under europameisterskapen i Roma tre veker seinare var han sjanselaus mot Karl Honz på den individuelle 400-meteren, men berga sølv. Derimot lukkast han spurtslå Tysklands ankermann i stafetten og sikra dermed gull til det britiske mannskapet som mellom andre bestod av Alan Pascoe.

Den 21. juni 1975 vann Jenkins i Eugene den amerikansk meisterskapen på tida 44,93 sekund, britisk rekord i 12 år. Etter 1975 makta han ikkje å gjere seg gjeldande i medaljestrid i internasjonale meisterskap, fekk likevel med seg eit EM-sølv i stafett i 1982.

Lenge etter han slutta tevle vedgjekk Jenkins at han nytta anabole steroidar under si tid som aktiv.

Narkotikasmugling[endre | endre wikiteksten]

I 1980-åra deltok Jenkins i smugling av narkotiske stoff. Han skal ved eit tidspunkt ha vore ansvarleg for opp til 70% av smuglinga av steroidar til USA.

Jenkins vart i oktober 1987 tiltalt for å ha smugla till USA ulovlege anabole steroidar til ein verdi av 100 millionar dollar, I desember 1988 vart han dømd til sju år i fengsel. Ettersom Jenkins hadde fungert som informant, vart han lauslaten etter 10 månader bakom murane.

Næringsdrivar[endre | endre wikiteksten]

Etter han vart sett fri frå fengsel, byrja Jenkins eit firma som driv med kosthaldstilskot. Han eig retten til ein viss type kolsyretilsette protein-drikkar.

Medaljar og plasseringar i internasjonale meisterskap[endre | endre wikiteksten]

  • EM 1971 i Helsinki: Gullmedalje på 400 m – 45,45. Nummer 5 i 4 x 400 m stafett (3.04,9)
  • OL 1972 i München: Sølvmedalje i 4 x 400 m stafett – 3.00,4. Utslått i semifinalane på 400 m (45,91=nr 9)
  • EM 1974 i Roma: Sølvmedalje på 400 m – 45,67. Gullmedalje i 4 x 400 m stafett – 3.03,3
  • OL 1976 i Montreal: Nr 7 på 400 m – 45,57
  • EM 1978 i Praha: Utslått i 4 x 400 m stafett (3.39,9=nr 11)
  • OL 1980 i Moskva: Nr 7 på 400 m – 45,56
  • EM 1982 i Aten: Sølvmedalje i 4 x 400 m stafett – 3.00,6. Utslått i semifinalane på 400 m (47,04=nr 14)

Kjelder[endre | endre wikiteksten]