Deb Haaland

Frå Wikipedia – det frie oppslagsverket
Deb Haaland

Statsborgarskap USA, Pueblo of Laguna
Fødd 2. desember 1960 (63 år)
Winslow
Yrke politikar, forretningsdrivande, bedriftsleiar
Politisk parti Det demokratiske partiet i USA
Medlem av Congressional Progressive Caucus
Religion katolisisme
Nettstad https://www.doi.gov/secretary-deb-haaland
Deb Haaland på Commons

Debra Anne Haaland (fødd 2. desember 1960 i Winslow i Arizona i USA) er ein USA-amerikansk jurist og politikar for Det demokratiske partiet frå delstaten New Mexico. Haaland blei utnemnd til innanriksminister i USA 16. mars 2021 som den fyrste innanriksministeren med urfolksbakgrunn.[1]

Liv og virke[endre | endre wikiteksten]

Haaland blei fødd inn i ein militær familie. Mora hennar var av urfolket laguna-pueblofolket, mens faren hennar var norskamerikanar. Faren var krigsveteran frå Vietnamkrigen og blei gravlagd i 2005 med militære ærevisingar. Haaland er utdanna jurist frå University of New Mexico.

Haaland blei vald inn i Representanthuset 6. november 2018 med 59 % av røystene og attvald i 2020 med 58 % i valkrinsen 1. valdistrikt. Ho var den eine av dei to fyrste kvinnelege representantane frå urfolka i USA. Den andre var Sharice Davids frå delstaten Kansas.[2][3][4][5][6][7]

I heimstaten er Haaland særleg kjend som tidlegare leiar for Det demokratiske partiet i New Mexico og for sitt engasjement for rettane til urfolk, for miljøvern, for fornybar energi, for å styrke det offentlege skuleverket og for universell helseforsikring (Patient Protection and Affordable Care Act). Haaland er motstandar av den tidlegare presidenten Donald Trump. Ho gjekk kraftig i rette med den tidlegare presidenten då han kalla partifellen til Haaland, Elizabeth Warren for Pocahontas og då Brett Kavanaugh blei utnemnd til føderal høgsterettsdommar.[8][9][10] Før nominasjonen som presidentkandidaten til demokratane i 2020, gjekk ho fyrst ut med støtte til Warren for den progressive profilen hennar, deretter støtta ho tidlegare visepresident Joe Biden, som ho håpet ville bli ein samlande kandidat.[11]

Påtroppande president Joe Biden nominerte Haaland som innanriksminister i USA 17. desember 2020, med ansvar for forvalting og vern av landområde i føderalt eige, inkludert saker som gjeld urfolk i USA.[12]

Kjelder[endre | endre wikiteksten]

  1. ↑ «Deb Haaland er den første ministeren i USA med urfolksbakgrunn». NRK. 16. mars 2021. 
  2. ↑ «Norskættetpolitiker vil bli historisk: Første kvinne fra indianerstamme i USAs kongress». Aftenposten. 17. juli 2018. Henta 07.11.2018. 
  3. ↑ «The U.S. Could Be Getting Its First Native American Congresswoman in November». fortune.com. Henta 7. november 2018. 
  4. ↑ «First Native American women elected to Congress: Sharice Davids and Deb Haaland». CNN. 7. august 2018. Henta 8. november 2018. 
  5. ↑ Norsk slektshistorisk forening. «Deb Haaland». genealogi.no. 
  6. ↑ «Haaland takes office». The Norwegian Ameriican. 08.01.2019. Henta 24. juli 2019. 
  7. ↑ «Debra Haaland». Ballotpedia. Henta 6. november 2020. 
  8. ↑ «Deb Haaland's Biography». Vote Smart. Henta 07.11.2018. 
  9. ↑ «Urfolkskvinne for første gang». Aftenposten. 06.06.2018. Henta 07.11.2018. «Fem resultater verdt å merke seg fra nattens primærvalg i USA» 
  10. ↑ Deb Haaland (6. oktober 2018). «Brett Kavanaugh’s appointment to a lifetime seat on the Supreme Court will have devastating consequences for communities across the United States for decades to come.». Twitter. Henta 18.01.2018. 
  11. ↑ Deb Haaland (9. april 2020). «Joe Biden President». Twitter. 
  12. ↑ «Haaland nominert som innanriksminister i USA». VG. 17. desember 2020. Henta 19. desember 2020. 
Henta frå «https://nn.wikipedia.org/w/index.php?title=Deb_Haaland&oldid=3541244»