Eigil Lehmann
| Eigil Lehmann | |
 | |
| Statsborgarskap | Noreg |
| Fødd | 29. januar 1907 Bergen |
| Død |
28. mars 2009 (102 år) |
| Yrke | lyrikar, luthersk prest |
| Tema | Vestnordiske mål |
| Religion | Den evangelisk-lutherske kyrkja |
| Prisar | Sokneprest Alfred Andersson-Ryssts fond |
Eigil Lehmann (29. januar 1907–28. mars 2009) var ein norsk prest, diktar og målmann.
Lehmann var frå Bergen. Han tok teologisk embetseksamen i 1929, og vart i 1930 tilsett som hjelpeprest i Modum. Frå 1937 var han prest i Skjold i Ryfylke. I 1958 fór han til Bergen og vart residerande kappellan i Birkeland prestegjeld i Fana. Han vart sokneprest i Nordås prestegjeld i Fana i 1971 og tok avskil i 1976.
Han arbeidde mykje med bibelsk leksikografi, og gav ut i alt to ordbøker for Det nye testamentet. Han gav ogso ut to ordbøker om dei nordiske øymåla, ei som galdt islandsk, og ei som galdt færøysk. Han skreiv attåt dette dikt gjennom heile livet, og gav ut i alt fire diksamlingar.
Lehmann var heidersmedlem i Vestmannalaget og Vestlandske Mållag, og var med på skipinga av Ivar Aasen-sambandet i 1965. Han har vore i styret for Norsk bokreidingslag og Halldor O. Opedals fond, og var med i Norsk Måldyrkingslag. I 1964 fekk han Sokneprest Alfred Andersson-Ryssts fond.
Bøker
[endre | endre wikiteksten]- 1938 – Rette det som rengt er : Eit ord til dei som hev Noregs mål kjært.
- 1955 – Ordbok for det Nye testamentet
- 1967 – Islandsk-norsk ordbok skriven saman med Þorsteinn Þ. Víglundsson
- 1967 – Vilja de lyda
- 1969 – Norsk-islendsk samtalebok : Ein parlør
- 1977 – I eit anna ljos
- 1981 – Lilja i Dal
- 1983 – Atturljóm : kvedskap
- 1986 – Færøysk-norsk ordbok
- 1990 – Ettirrakstur : dikt
- 2007 – Dikt i utval
Kjelder
[endre | endre wikiteksten]- Diktarprest og målkunstnar. Bergens Tidende om 100-årsdagen til Lehmann. 30. jan. 2007.
- Bondevik, Jarle: Minneord om Eigil Lehmann. Stille Stunder nr. 3, Juni 2009, s. 3.
Bakgrunnsstoff
[endre | endre wikiteksten]- Digitaliserte bøker av Eigil Lehmann hjå Nasjonalbiblioteket