Elista
| Elista | |||
| Элиста | |||
| by | |||
 Offentleg sjakk i sentrum av byen. | |||
|
|||
| Land |  Russland | ||
|---|---|---|---|
| Føderasjonssubjekt | Kalmykia | ||
| Høgd | 120 m | ||
| Areal | 208 km² | ||
| Folketal | 104 082 (1. januar 2025) | ||
| Grunnlagd | 1865 | ||
| • Bystatus | 1930 | ||
| Postnummer | 3580xx | ||
| Retningsnummer | (+7) 84722 | ||
 Elista 46°19′00″N 44°16′00″E / 46.316666666667°N 44.266666666667°E | |||
| Wikimedia Commons: Elista | |||
.svg)
_(2004).png)
Elista (russisk Элиста́, kalmykisk Элст, Elst) er hovudstad i Republikken Kalmykia i Russland med om lag 105 000 innbyggjarar. Han ligg 1200 km sør-søraust for Moskva.
Byen er kjent som eit særs viktig sentrum innan sjakk. Store turneringar har vorte halde her.
Historie
[endre | endre wikiteksten]Elista vart grunnlagt i 1865 som ein mindre busetnad. I november 1920 vart Elista administrativt senter for Den kalmykiske autonome oblast. Innan tidleg på 1930-talet var Elista forandra til ein liten by sidan kollektiviseringspolitikken til Josef Stalin tvinga mange kalmykar til å gje opp den tradisjonelle nomadiske livsstilen sin til fordel for ein fastbuande og urban livsstil. I oktober 1935 vart Elista utnemnd som hovudstad i Den kalmykiske ASSR.
27. desember 1943, vart Den kalmykiske ASSR oppløyst og dei etniske kalmykane i republikken vart tvangsdeportert til Sibir. Russarar vart frakta til Elista for å folkesetje byen på ny og namnet vart endra til Stepnoj (russisk: Степно́й). Byen heitte Stepnoj til 1957, då dei overlevande etter deportasjonane fekk løyve til å kome tilbake frå eksil.
Attraksjonar
[endre | endre wikiteksten]Etter 1991 har byen vore karakterisert av det sakte forfallet til sovjet-bygde institusjonar og dei store byggeprosjektene sett i gang av millionær-presidenten Kirsan Iljumzjinov.
Bysentrumet har mange renoverte offentlege parkar sentrert rundt hovudtorget, med statuar av både Lenin og Buddha. Aust for byen ligg «Olympialandsbyen» frå den 33. sjakkolympiaden i 1998, lokalt kjent som «Sjakkbyen». Staden har mellom anna eit museum av kalmykisk buddhistisk kunst og han vert stundom nytta som konferansesenter.
Under vitjinga si i 1998, valde Dalai Lama ein stad vest for bysenteret for bygginga av eit nytt buddhisttempel for innbyggjarane. Det vart opna i desember 2005.
Næringsliv
[endre | endre wikiteksten]Byen fungerer som forvaltings-, utdannings- og handelssentrum. Industrielt er berre næringsmiddelhandsaming viktig.
Transport
[endre | endre wikiteksten]Elista har ei mindre regional lufthamn, med ruter til Moskva og byar sør i Russland.
Det går jernbanelinje frå Elista sørover til Stavropol og vegsamband til Volgograd og Astrakhan.
Fotogalleri
[endre | endre wikiteksten]
Geden Sjeddup Tsjoikorling-klosteret
Det gylne tempelet
Ein Buddha i Elista
«Den gamle kvite mannen»
Kjelder
[endre | endre wikiteksten]- Denne artikkelen bygger på «Elista» frå Wikipedia på bokmål, den 7. januar 2009.
