Fjodor Terentjev

Frå Wikipedia – det frie oppslagsverket
Hopp til navigering Hopp til søk
Fjodor Terentjev
Fødd 4. oktober 1925
Q4342014
Død

20. januar 1963
St. Petersburg

Yrke skiløper, langrennsløpar

Fjodor Mikhailovitsj Terentjev (4. oktober 192520. januar 1963) var ein sovjetisk langrennar frå ein landsby i Karelia. Han vann ein gullmedalje med Sovjetunionen i 4 x 10 km stafett, samt ein bronsemedalje på 50 km under Vinter-OL 1956 i Cortina d'Ampezzo.

Terentjev deltok på Sovjetunionen sine sølvlag i stafett både under Ski-VM 1954 og 1958. Under verdsmeisterskapen i Falun 1954 vart han elles nummer fire på 15 km og seks på 50 km. I dei olympiske vinterleikane i 1956 gjekk han fyrste etappen for Sovjetunionen sitt gullag i 4 x 10 km stafett; Pavel Koltsjin, Nikolaj Anikin og Vladimir Kuzin gjekk dei seinare etappane. Terentjev vann i tillegg bronsemedaljen på OL-femmila og vart nummer seks på 30 km.

Under Ski-VM 1958 i Lahti kom Terentjev på sjetteplass på 15 km, og gjekk på ny den fyrste stafettetappen då Sovjetunionen vart nummer to etter Sverige.

Kjelder[endre | endre wikiteksten]