Flenjatunnelen
 | |
| Transporterer | E16 |
|---|---|
| Stad | Flåm - Langhuso |
| Kommune | Aurland |
| Fylke | Sogn og Fjordane |
| Lengd | 5053 m |
| Stigning | 6,5% |
| Opna | 1985 |
 Flenjatunnelen 60°53′06″N 7°05′42″E / 60.885°N 7.095°E | |
Flenjatunnelen er ein tunnel på Europaveg 16 i Aurland kommune i Sogn og Fjordane. Tunnelen går gjennom Flenjaeggi mellom Flåm og Langhuso i Undredalen. Tunnelen er 5053 meter lang, og vart opna i 1985. Då han vart opna gav Flenjatunnelen vegutløysing for Undredal. Seinare kom også Gudvangatunnelen til Gudvangen.
Flenjatunnelen vart ein del av Riksveg 601 mellom Flåm og Undredal då han opna. Gudvangatunnelen vart opna i 1991, og Riksveg 50 vart forlengd via Flenjatunnelen til Gudvangen. Då Lærdalstunnelen mellom Lærdal og Aurland vart opna i 2000, vart vegen mellom Aurlandsvangen og Gudvangen ein del av Europaveg 16.