Frits Thaulow

Frits Thaulow
Statsborgarskap	Noreg
Fødd	20. oktober 1847 Christiania
Død	5. november 1906 (59 år) Volendam
Yrke	kunstmålar, grafikar, biletkunstnar, grafikar, landskapsmålar
Sjanger	landskapsmåleri
Far	Harald Thaulow
Ektefelle	Alexandra Thaulow, Ingeborg Charlotte Gad
Born	Else Fröhlich, Harald Thaulow, Christian Thaulow
Frits Thaulow på Commons

Frits Thaulow, fullt namn Johan Fredrik Thaulow, (20. oktober 1847–5. november 1906) var ein norsk målar knytt til realismen. Internasjonalt var han ein av dei mest kjende norske 1800-talskunstnarane.

Liv og gjerning

Thaulow var fødd i Kristiania. Åra 1870-72 gjekk han på kunstakademiet i København, deretter var han frå 1873 til -75 elev av Hans Gude i Karlsruhe. Dei følgjande åra budde han for det meste i Paris, der han tok avgjerande inntrykk frå dei franske impresjonistane.

I 1880 vende Thaulow tilbake til Noreg som overbevist naturalist. Saman med Christian Krohg og Erik Werenskiold vart han ein av leiarane i striden som dei unge kunstnarane førte for eit romslegare norsk kunstmiljø. Thaulow var mellom anna med på å etablere den første Høstutstillingen i 1882.

I 1892 slo han seg ned i Frankrike, og han besøkte USA i 1898. Frå same året busette han seg i Paris, der han vart ein kjend figur. Han vann internasjonalt ry, mellom anna gjennom å få verk utstilt på den prestisjetunge Parissalongen.

Mange av Thaulows mest kjente norske motiv er fra Åsgårdstrand, der ein sentral plass er oppkalla etter han.

Thaulow vart tildelt ei rad norske og utanlandske ordenar for målarkunsten sin. Han vart i 1892 utnemnd til riddar av 1. klasse av St. Olavs Orden, i 1905 forfremja til kommandør av 2. klasse «for fortjenstfuld Kunstnervirksomhed». Vidare var han offiser av den franske Æreslegionen, den italienske Sankt Mauritius' og Sankt Lasarus' orden og av den tunisiske Iftikhar-ordenen.

Han døydde under eit opphald i Volendam i Nederland.

Galleri

• 
  Portrett av Frederik Collett
  1875
• 
  En elv
  1883
• 
  Norsk vinterlandskap
  1890
• 
  Ambiance Du Soir
  1893
• 
  Ponte Pietra, Verona
  1894
• 
  Venezia
  1894
• 
  Kveldstemning, Dieppe
  1894-1898
• 
  Et Château i Normandie
  1895
• 
  Fra Dieppe med elven Arques
  1895
• 
  Måneskinn Dieppe
  1896
• 
  Boulevard de la Madeleine à Paris
  1896-1897
• 
  Fra Akerselven
  1897-1901
• 
  Marmortrappen
  1903
• 
  En gate i måneskinn
  1895
• 
  Place Marbot
  1904
• 
  Dordrecht
  1905
• 
  Under Rialto-broen i Venezia
• 
  Utsikt over Venezia
• 
  Hiver à Paris
• 
  Le Curé

Kjelder

---

• Denne artikkelen bygger på «Frits Thaulow» frå Wikipedia på bokmål, den 2. april 2012.

Bakgrunnsstoff

• Kulturnett.no Arkivert 2008-10-08 ved Wayback Machine.