Høgemoen
Springaren Høgemoen, og kalla Kongsbergen, er nytta i Numedal, Hallingdal og Valdres. Namnet Høgemoen er kjend i Telemark. Slåtten er heller knapp i forma, og er truleg gamal. Slåtten er spela både på oppstilt og nedstilt bass.
Slåtten har vore nytta av Gudbrand Skjellerud, og kan ha opphavet sitt i nedre Hallingdal eller Krødsherad.
Variantgruppa[endre | endre wikiteksten]
Slåtten har hovedgruppa under nr 488 i Hardingfeleverket. Ein variant har nr 235, og ein har nr 570. Springar nr 205 er og skyldt gruppa. Til saman er det då trykt opp åtte former av slåten. Den mest nytta forma frå Valdres, etter Ola Reishagen, er diverre utelate frå verket. Gudbrand Skjellerud er kjelda til to av formene i lista under. Dei to formene frå Telemark er truleg henta frå Numedal.
- nr 205: Springar frå Hallingdal, etter Engebret Ødegård, Flå [1][daud lenkje]. Nedskrift Truls Ørpen 1939 (Ø 320). Ødegård hadde slåtten etter far sin, spelemannen Knut Ødegård. Slåtten er nærskyldt variant 488b, og går på nedstilt bass. Slåtten er svært gamalvoren i tonaliteten.
- nr 235: Numedalsspringar, etter Leiv Åsane, Flesberg [2][daud lenkje]. Nedskrift Eivind Groven 1959 etter opptak i NRK (G 1107).
- 488a: Springar, etter Andres Haugan, Lyngdal i Numedal [3][daud lenkje]. Nedskrift Arne Bjørndal 1937 (B 95). Haugen hadde slåtten etter faren, Ola Haugan. Forma er etter Gudbrand Skjellerud.
- 488b: Springar, etter Johan Kleven, Krødsherad [4][daud lenkje]. Nedskrift Truls Ørpen 1925 (Ø 141). Kleven hadde slåtten frå faren, Gamle-Kleven. Nedstilt bass.
- 488c: Tjednbalen, etter Wilhelm Sorteberg, Krødsherad [5][daud lenkje]. Nedskrift Truls Ørpen 1915, (Ø 6). Sorteberg hadde slåtten etter Gudbrand Skjellerud. Namnet er knytt til garden Kinneberg i Gol. Ein spelemann dei kalla Fisen var frå denne garden, og spela denne slåtten. Slåtteforma er kalla Kongsbergen i Hol.
- 488d: Høgemoen, etter Rikard Gøytil, Rauland [6][daud lenkje]. Nedskrift Eivind Groven 1933 (G 1223).
- 488e: Springar etter Slåttedølen, Etter Gregar Nordbø, Bø i Telemark [7][daud lenkje]. Nordbøkatalogen 149. Eivind Groven skreiv ut slåtten for Hardingfele.
- nr 570: Kongsbergen, etter Olav Vestenfor, Hol i Hallingdal. Nedskrift Sven Nyhus 1978.
.