Hans Hansen
Hans Hansen | |
Statsborgarskap | Noreg |
Fødd | 23. oktober 1844 Drammen kommune |
Død |
9. september 1919 (74 år) |
Yrke | politikar, kjøpmann |
Hans Hansen på Commons |
Hans Hansen (23. oktober 1844–15. september 1919) var ein handelsmann/grosserar og stortingsmann frå Drammen.
Hansen var son til ein kjøpmann i Drammen. Han fekk sjølv merkantil utdanning og tok til som handelsmann i heimbyen i 1867. Frå 1885 var han medlem av bystyret, ordførar 1897-98. Ei tid var han formann for tilsynsnemndene for jarnbanene Kristiania-Drammen og Drammen-Randsfjordbanen. Frå 1901 var han styreleiar i brannforsikringsselskapet «Norge».
Som fyrste varamann til Stortinget 1895-97 møtte Hansen både i 1895 og 1897 på tampen av sesjonane, i 1895 frå 15. mai i staden for Ole Roald Rynning, og i 1897 frå 22. juli i staden for Christopher Knudsen. I dei tre valbolkane frå 1898 til 1906 var han fast representant for Drammen på Tinget. Han heldt deretter fram som stortingsrepresentant til 1915, dei tre siste valperiodane vald frå einmannskrinsen Bragernes. Hansen var frå 1898 jamt medlem av Tollkomiteen, formann i denne frå 1900. I tillegg var han medlem av meir tidsavgrensa komitear, så som spesiakomiteen om fossefalla i 1906/07.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Einskildmenn
- Fødde i 1844
- Døde i 1919
- Stortingsrepresentantar 1895-1897
- Stortingsrepresentantar 1898-1900
- Stortingsrepresentantar 1901-1903
- Stortingsrepresentantar 1904-1906
- Stortingsrepresentantar 1907-1909
- Stortingsrepresentantar 1910-1912
- Stortingsrepresentantar 1913-1915
- Stortingsrepresentantar 1916-1918
- Ordførarar i Drammen
- Norske handelsfolk
- Folk frå Drammen